TEXNOLOGİYA

Əvəllər də məlumat verdiyimiz kimi “Daşınan şəhər telefon xidməti “ - 585 sayəsində Bakı nömrələrini rayonlara daşımaq xidmətini təqdim etmişdi. 

Belə ki, Bakı şəhər şəbəkəsi statusuna malik sabit telefonlar artıq bölgələrdə də 585 indeksi ilə eyni statusla işləyir və regionlardakı hər bir müştəri Bakı şəhər telefonlarından istifadə edə bilir. Hazırda bu istiqamətdə fəaliyyətlər davam edir. Xidmətin rayonlarda istifadəsi təmin edilir. 

 Bu barədə Xeberler.az-a Aztelekom MMC-dən məlumat verilib. 

Bildirilib ki, alternativi olmayan bu xidmət nəticəsində Bakı şəhər telefon nömrəsi respublika ərazisində istənilən yerə daşınır. Bu xidmət vasitəsilə şəhərlərarası, şəbəkədaxili və simsiz telefon şəbəkəsi (CDMA) ilə ödənişsiz danışıqlar aparmaq mümkündür. Bununla da daha dayanıqlı rəqəmsal rabitə yaranacaq və rabitə sahəsində ilk dəfə “şəhər-kənd” arasında rəqəmsal uçurum tarixə qovuşmuş oldu.

Qurumun məlumatında qeyd olunub ki, daşınan telefonlarla respublikanın bütün (Naxçıvan MR istisna olmaqla) ərazisində bir-biri ilə limitsiz və pulsuz danışmaq mümkündür. Belə ki, ayda 15 manat abunə haqqı ödəməklə 585 indeksli ilə telefonlara sahib olmaq fürsətindən yararlanmaq mümkündür.

Məltəm Talıbzadə