VIDEO

Avtomobillərin multimedia sistemlərinə uyğun qrafika çipləri hazırlayan Nvidia avtomobil sektorunda daha da irəliləyib. 

Xeberler.az-ın xarici mətbuata istinadən verdiyi məlumata görə , Nvidia bu həftə keçirilən CES 2016 adlı elektronika sərgisində avtomobillər üçün hazırladığı yeni texnologiyaları təqdim edib.

Şirkətin icraçı direktoru Jen-Hsun Huang Drive PX2 adlı avtomobil prosessoru təqdim edib.

Drive PX2 prosessoru keçen ilin avtomobil prosessoru Drive CX-ın yeni versiyası kimi hazırlanıb.

İcraçı direktor Drive PX2 prosessorunun 150 ədəd MacBook Pro prosessoru gücündə olduğunu sərgi iştirakçılarına açıqlayıb.

Modem ilə eyni ölçüdə olan kompüterdə  bu qədər yüksək prosessor gücünü 12 ədəd nüvə təmin edir. Bu qədər yüksək performanslı mini kompüterin soyutma sistemi maye soyutma yolu ilə gerçəkləşir.

Avtomobillərin belə güclü prosessorlarla təchiz olunmasınının səbəbi sürücüsüz avtomobillərin yüzlərlə sensorunun və kontrollerlərinin etdiyi əməliyyatları daha da sürətli olmasını təmin edəcək.

Bundan əlavə, Drive PX2 12 ədəd kamera, radar və ultrasonik sensorların məlumat bazasında müəyyən əməliyyatlar aparmaq imkanına da malkdir.

Drive PX2-dən ilk olaraq Nvidia-nın partnyoru Volvo şirkəti istifadə edəcək. Yaxın vaxtlarda Volvo sürücüsüz avtomobillərini bu kompüterlə təchiz edəcək.

Nividia-nin Volvo-dan başqa partnyorları isə Audi, Tesla, Mercedes-Benz, BMW və Honda şirkətləridir.

Ağasəf Haqverdiyev