TƏHLÜKƏSİZLİK

İnternet istifadəçiləri çox zaman asan tapıla bilən parollardan istifadə edirlər.

Keeper Security şirkəti böyük resurslardan məlumatların axını nəticəsində 10 milyon parola sahib olub.

Beləliklə, şirkət 2016-cı ildə istifadəçilər arasında ən populyar parolların reytinqini hazırlamağa nail olub.

Xeberler.az  İnformasiya Texnologiyalar İnistutuna istinadən məlumat verir ki, təhlil edilmiş məlumatların 50 faizində parol kimi reytinqin ilk 25 məxfi frazası istifadə olunub.

 “123456” rəqəmlərinin kombinasiyası ən məşhur parollar reytinqinin dəyişilməz lideridir. Ondan 17% insan istifadə edib. Onluğa daxil olan dörd parol isə bu kombinasiyanın müxtəlif variantlarıdır.

Parol qismində “1q2w3e4r” və ya “123qwe” kimi hərf və rəqəmlərin kombinasiyalarının məşhurluğu istifadəçilərin təhlükəsizlik məqsədilə gözlənilməz nümunələrdən istifadə etməyə çalışdığını göstərir. “Lakin parol oğruları lüğətlər əsasında simvolların ardıcıl variasiyalarını analiz edə bilirlər. Ən yaxşı halda, bu onları bir neçə saniyə vaxtını alır”, deyə – tədqiqat müəllifləri qeyd ediblər.

Məlumatların qorunmasının əsas üsulu kimi parollardan istifadə çox etibarsız təcrübədir. Statistikaya əsasən, istifadəçi 10-20 proqram üçün mürəkkəb və unikal parolları yadda saxlaya bilmir. Bu səbəbdən parol problemi zaman keçdikcə daha da aktual olur.

Belə ki, ekspertlər növbəti bir neçə il ərzində parolların “ölümünü” proqnozlaşdırırlar. Onları gələcəkdə informasiyanın qorunmasının daha etibarlı üsulu – biometriya əvəz edəcək. 

 Xeberler.az