3D printerdə çap edilmiş obyektlər ilkin formasını yadda saxlayacaq

29-08-2016 / 13:24

Massaçusets Texnologiya İnstitutunun alimləri hazırda müəyyən temperaturda öz formasını dəyişdirmək qabiliyyətinə malik kiçik ölçülü obyektlərin yaradılması üçün nəzərdə tutulmuş yeni 3D-çap texnologiyası üzərində işləyir.

Xeberler.az ict.az-a istinadən məlumat verir ki, bu üsulla çap edilmiş obyektləri yüksək temperaturda sıxaraq onların həcmini üç dəfə azaltmaq mümkündür. Bu obyektlər yenidən öz ilkin formasına qayıtmaq qabiliyyətinə malikdir.

Yeni texnologiya insan saçı qalınlığında strukturlar çap etməyə imkan verir. İstehsalçılar komandası yeni texnologiyadan öz formasını dəyişdirmək qabiliyyətinə malik biotibb qurğuları və günəş batareyalarının çapında istifadə etməyi planlaşdırır. Sözügedən texnologiya aerokosmik komponentlərin istehsalında da tətbiq edilə bilər.

Alimlər gələcəkdə bu texnologiyanın tibb sahəsində istifadəsini planlaşdırır. Belə ki, dərmanla təchiz edilmiş damar bədənin temperaturuna reaksiya verə biləcək və zərurət olduqda xəstəlik nəticəsində zəifləmiş orqanizmi dərman preparatı ilə təchiz edəcək.

 

Xeberler.az

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.