Ağıllı fənər təqdim olunub

01-08-2019 / 15:44

Xeberler.az bildirir ki, “Panasonic” şirkəti uşaqlara onları əhatə edən dünyanı araşdırmağa kömək edən öyrədici “ağıllı” fənərini təqdim edib. Uşaq qurğunu onu maraqlandıran predmetə yönəldərək birinci düyməni basdıqda “PA!GO” həmin predmetin şəklini çəkəcək, obyekti tanıyacaq və dinamik vasitəsilə onun haqqında qısa məlumat verəcək. Azyaşlı istifadəçi daha çox məlumat əldə etmək istəyərsə, ikinci düyməni basa bilər. Bu zaman “PA!GO” “Google Knowledge Graph” bilik bazası ilə əlaqə saxlayacaq və daha çox informasiya verəcək.

Qurğudan istənilən yerdə istifadə etmək mümkündür. “Ağıllı” fənər “Chromecast” funksiyasının köməyilə uşağın gün ərzində rastlaşdığı bütün bitkiləri, heyvanları, həşəratları və digər obyektləri “YouTube Kids” platforması vasitəsilə mövzuya uyğun öyrədici videolarla birlikdə böyük ekrana daşıya bilər. İstəkdən asılı olaraq, uşaqlar rastlaşdıqları predmetlərin təsvirlərini öz otaqlarının tavanına və ya divarlara proyeksiya edə biləcəklər. Bunu qurğunun dəstəyinə birləşdirilən mini-proyektorun köməyilə etmək olar.

“İstehsalçılar ümid edirlər ki, bu konsept sayəsində uşaqlar asudə vaxtı “udan” smartfonlar və digər qurğulardan uzaqlaşa biləcəklər və onları əhatə edən hər şey haqqında yeni biliklər əldə edərək, daha çox açıq havada olacaqlar”, – deyə şirkət nümayəndələri bildiriblər. Mütəxəssislər “PA!GO”nun daha da təkmilləşdirilməsi üzərində çalışırlar. Kommersiya məhsulunun satışa çıxarılması tarixi və qiyməti barədə məlumat verilməyib.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.