Avropa İttifaqı (Aİ) və Çin beşinci nəsil mobil rabitə standartlarının (5G) birgə inkişafına dair saziş imzalayıb.
Xeberler.az RYTN-nin rəsmi saytına istinadən xəbər verir ki, əməkdaşlıq çərçivəsində dünyanın iki böyük bazarı bir-birinin tədqiqat resurslarından yararlanmaq, eləcə də Avropa və Çin şirkətləri birgə maliyyələşmədən istifadə imkanı əldə edəcək.
Tərəflər həmçinin yeni standartlar üzərində işi və tezliklərin bölüşdürülməsini bir-birini məlumatlandırmaqla həyata keçirəcək. Bundan başqa, təkcə 5G deyil, həm də “Əşyaların interneti” kimi aktual texnologiyalar sahəsində birgə tədqiqat layihələrinin yaradılması nəzərdə tutulur.
2015-ci ilin sonunadək Aİ və Çinin 5G üzrə ümumi konsepsiya, əsas funksiyalar, başlıca texnologiyalar və tətbiqetmə qrafikindən ibarət ümumi fəaliyyət planı yaratması planlaşdırılır.
Sazişi Çinin sənaye və informasiya texnologiyaları naziri Mao Vey və rəqəmli iqtisadiyyat üzrə Avropa komissarı Günter Ottinger imzalayıb.
Aİ-nin Çin ilə imzaladığı saziş Cənubi Koreya ilə 2014-cü ilin iyununda, Yaponiya ilə 2015-ci ilin mayında imzalanan sənədin oxşarıdır, - "Telekomza” yazır.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri