RƏQƏMSAL DÜNYA

Azərbaycan hökuməti ilə süperkompüter mərkəzinin yaradılması, qurulması məsələsini müzakirə etmişik.

Xeberler.az  bildirir ki, bunu "Bilik iqtisadiyyatı - Azərbaycanın İnnovasiya Yol Xəritəsi layihəsi"nin müəllifi Edvard Roşe eyniadlı tədbirdə çıxışı zamanı bildirib.

E.Roşenin sözlərinə görə, süperkompüter mərkəzi milli innovasiya mərkəzi və yaxud da platforması rolunu oynayacaq və bütün ölkəyə xidmət edəcək..

“İlk növbətə hökumətə, daha sonra özəl sektora və fərdi şəxslərə xidmət edəcək. Düzdür, bir kompüterdən hər şeyi idarə etmək yaxşı görünmür. Lakin Azərbaycanda 9 milyon insan var. Bu rəqəm bu qədər əhali üçün kifayətdir. Bundan başqa, bir kompüterdən istifadə etməklə siz təhlükəsizliyi artıracaqsınız, eləcə də xidmət keyfiyyəti artacaq. Həmçinin 99,999% etibarlılığa nail olmaq mümkündür. Burada vahid tətbiqetmələr dəstəsi olduğunudan, məsələn, “Microsoft”un Azərbaycan versiyası, bütün dövlət orqanları və bütün biznes strukturları istfadə edə bilər. İKT barədə məlumat alan hər bir şəxs eyni proqram təminatları, həmçinin interfeyslərlə tanışa ola biləcək. Beləcə müxətlif agentliklər arasında işçilərin mübadiləsi də aparıla bilər”, - deyə E.Roşen əlavə edib.

Ekpert əlavə edib ki, bu, virtual maşın arxitekturasından istifadə etmək tələbi əsasında yaradılır: “Bu da o deməkdir ki, serverləri sayı tələbə əsasən həm arta, həm də azala bilər. Bu ümumi cəmiyyət üçün İKT-nin maya dəyərini 45% azalda bilər. Bu infrastrukturun tətbiqi olduqca səmərəli ola bilər - innovasiya üçün geniş platforma tətbiq edir, hər kəs bu alətlərdən istifadə edə bilir”.

Qeyd edək ki, Azərbaycanda da 2008-ci ildən Milli Superkompüter Mərkəzinin yaradılması ilə bağlı Rabitə və Yüksək Texnologiyalar Nazirliyi ilə İnformasiya Texnologiyaları İnstitutu əməkdaşlığa başlayıb. Superkompüter - çoxprosessorlu elektron hesablama sistemidir. Superkompüterlərin məhsuldarlığı sürüşkən vergüllü ədədlər üzərində saniyədə milyard əməliyyatlarla ölçülür. Onlarda çoxsaylı mikroprosessorların paralel işlənməsi nəticəsində yüksək məhsuldarlığı əldə etmək olur.