Azərbaycanda Yeniyetmələrin VI Beynəlxalq Elm Olimpiadası başlayacaq

26-11-2009 / 19:02

Dekabrın 2-11-də Azərbaycanda Yeniyetmələrin VI Beynəlxalq Elm Olimpiadası keçiriləcək. Gənclər və İdman Nazirliyinin mətbuat xidmətindən verilən məlumata görə, Olimpiada 15 yaşlı yeniyetmələr arasında fizika, kimya və biologiya fənləri üzrə keçiriləcək. Artıq 49 ölkədən 600-dən artıq tələbə və onların müəllimləri Olimpiadaya qatılmaq üçün müraciət edib. Azərbaycan hökuməti, Heydər Əliyev Fondu, İJSO (International Junior Science Olympiad) və Azərbaycan Milli Elmlər Akademiyasının dəstəyi ilə təşkil olunan tədbirə Heydər Əliyev Fondunun prezidenti, UNESCO və İSESCO-nun xoşməramlı səfiri Mehriban Əliyeva sədrlik edəcək.

Olimpiadaya hazırlıq məqsədilə artıq təhsil və elm komitələri, eyni zamanda Olimpiadanın keçirilməsinə məsul qurumların nümayəndələrinin iştirakı ilə işçi qrup yaradılıb. Olimpiadanın Elm Komitəsinə Azərbaycan Diplomatiya Akademiyasının rektoru Hafiz Paşayev, Təşkilat Komitəsinə isə gənclər və idman naziri Azad Rəhimov rəhbərlik edir.

Milli mütəxəssislərin iştirakı ilə fizika, kimya və biologiya fənləri üzrə test, nəzəri və eksperiment/təcrübə tapşırıqları hazırlanıb. Təcrübə üçün avadanlıq xarici ölkələrin şirkətlərində sifariş edilib. Olimpiada zamanı ölkəyə gələn qonaqların Azərbaycan tarixi və mədəniyyəti ilə tanışlığı üçün xüsusi proqramlar hazırlanıb. Qonaqların müşayiət etmək üçün 100-dək könüllü müəyyənləşdirilib və onlar üçün əlavə hazırlıq təlimləri keçirilib. Olimpiadanın loqosunun əsasını “Buta” simvolu təşkil edir.

Qeyd edək ki, əvvəlki 5 olimpiada İndoneziya (2004, 2005-ci il), Braziliya (2006-ci il), Tayvan (2007-ci) və Koreyada (2008-ci) keçirilib.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.