Tələbələri arasında İnformatika üzrə olimpiada başladı

30-04-2018 / 10:54

Nəqliyyat, Rabitə və Yüksək Texnologiyalar Nazirliyi, Heydər Əliyev Fondu, Təhsil Nazirliyi və Azərbaycan Milli Elmlər Akademiyasının İnformasiya Texnologiyaları İnstitutunun birgə təşkilatçılığı ilə “Ali məktəb tələbələri arasında informatika üzrə Ümumrespublika Olimpiadası” artıq 12-ci ildir ki keçirilir,

Bu il 17 May - Dünya Telekommunikasiya və İnformasiya Cəmiyyəti Gününə həsr olunmuş Olimpiadanın əsas məqsədi ali məktəb tələbələrinin informatika, proqramlaşdırma sahəsindəki biliklərinin və bu sahəyə olan marağının artırılması, habelə sahə üzrə seçilən tələbələrin beynəlxalq yarışlara cəlb edilməsidir.

Xeberler.az-ın məlumatına görə, iki mərhələdən ibarət Olimpiadanın birinci mərhələsindən öncə 1 ay müddətində www.olimpiada.az  saytında respublikanın ali təhsil müəssisələrini təmsil edən komandaların qeydiyyatı həyata keçirilib.

Hər komanda 1 müəllim (rəhbər qismində) və 3 tələbədən (bakalavr) təşkil olunur. Hər bir ali təhsil müəssisəsi üzrə maksimum 4 komanda Olimpiadanın birinci mərhələsinə buraxılıb.

Ötən 10 ildə hər il orta hesabla 10-15 ali təhsil müəssisəsindən 40-50 komanda (160 - 200 iştirakçı) Olimpiadanın birinci mərhələsinə qoşulub.

Bu il isə respublika üzrə 25 ali təhsil müəssisəsindən 62 komanda www.olimpiada.az saytında qeydiyyatdan keçib və yarışda iştirak hüququ qazanıb.

Paytaxt ilə yanaşı, regionlarda fəaliyyət göstərən ali təhsil müəssisələri, əsasən də, Gəncə, Mingəçevir, Naxçıvan, Sumqayıt və Lənkəran Dövlət Universitetlərinin, Azərbaycan Texnologiya Universiteti, eləcə də Azərbaycan Dövlət Aqrar Universitetinin tələbələri də bu il Olimpiadaya xüsusi maraq göstərir.

Cari ildə bu yarışda müxtəlif komandaların tərkibində 25 xanım iştirakçı təmsil olunur.

Olimpiadanın birinci mərhələsi 29 aprel 2018-ci il tarixində Bakı Mühəndislik Universitetində keçirilib.

Yarış beynəlxalq “ACM/ICPC” (Ali məktəb tələbələrindən ibarət komandalar arasında informatika üzrə beynəlxalq olimpiada) qaydaları üzrə keçirilir. Qaydalara əsasən, hər bir təhsil müəssisəsi üzrə ən yaxşı nəticə göstərən yalnız bir komanda Olimpiadanın final mərhələsinə vəsiqə qazanacaq və ən yaxşı nəticə göstərən 4 komanda qalib elan ediləcək.

Qaliblər (I-IV yerlər) “Nar” operatoru və “BestComp Group” şirkətinin təqdim etdiyi qiymətli hədiyyələr, habelə Nəqliyyat, Rabitə və Yüksək Texnologiyalar Nazirliyi tərəfindən Fəxri Fərman və Diplomlarla mükafatlandırılacaq.

Məlumat üçün bildirək ki, final mərhələsi 5 may 2018-ci tarixdə Azərbaycan Milli Elmlər Akademiyasının İnformasiya Texnologiyaları İnstitutunda keçiriləcək.

 

 Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.