Azərbaycanın bir neçə media qurumu ad gününü qeyd edir

01-03-2017 / 13:11

Bu gün Azərbaycanda fəaliyyət göstərən bir neçə media orqanı ad gününü qeyd edir.

Xeberler.az-ın məlumatına görə, Azərbaycan Dövlət İnformasiya Agentliyinin  97 yaşı tamam olur.

AZƏRTAC dünyanın 45 ölkəsinin milli informasiya agentlikləri ilə müqavilələr imzalayıb və onlarla uğurlu əməkdaşlıq edir. Onun 21 ölkədə, eləcə də respublikanın bütün bölgələrində müxbir məntəqələri yaradılıb.

Facebook, Twitter, YouTube, Instagram kimi sosial şəbəkələrdə AZƏRTAC-ın yeddi dildə profilləri fəaliyyət göstərir.

Hazırkı media bumu və sosial şəbəkələrlə rəqabət şəraitində AZƏRTAC informasiya məkanında yerini qoruyub saxlamaq və möhkəmləndirmək üçün müasir dövrün çağırışlarına çevik reaksiya verməyə, xəbər texnologiyasının ən yeni metodlarına yiyələnməyə çalışır.

SalamNews İnformasiya Agentliyinin də bu gün 7 yaşı tamam olur.

Qeyd edək ki, SalamNews  2010-cu il martın 1-dən fəaliyyət göstərir.

Agentlik MDB məkanında və dünyada baş verənləri oxucularına təqdim edən agentlik hadisələrin əyaniliyini və vizuallığını təmin etmək məqsədilə infoqrafikadan, video materiallarından və fotolardan maksimum bəhrələnir.

Bu gün həmçinin  "Gündəlik Teleqraf” qəzeti və Publika.az xəbər portalının 5 yaşı tamam olur.

"Gündəlik Teleqraf" və Publika.az 2012-ci il martın 1-də təsis edilib, qəzet həftədə 5 dəfə oxuculara dolğun və vacib xəbərlər çatdırır.

Xeberler.az adından adı çəkilən bütün media qurumlarının rəhbərliyini və bu orqanlarda çalışan həmkarları  təbrik edir, onlara möhkəm cansağlığı və uğurlar arzulayırıq!

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.