Azerfonda tələbələrə təcrübə imkanı

07-07-2010 / 00:17

«Azerfon» Azərbaycanın ali təhsil müəssisələrinin tələbələri üçün «İstedad Sizdə, İmkanlar Bizdə» adlı Yay Təcrübəsi proqramına başlayıb.

Təcrübəyə başlayan tələbələrlə tanışlıq mərasimi zamanı öz çıxışında «Azerfon» MMC-nin İdarə Heyətinin üzvü Cuneyt Türktan istedadlı gənclərə dəstək olmağın vacibliyindən danışıb.

Onun sözlərinə görə, istedadlı gənclərə karyera imkanlarının yaradılmasına kömək etmək «Azerfon»un korporativ sosial məsuliyyət siyasətinin prioritet istiqamətlərindən birini təşkil edir: “Şirkətimiz İKT sahəsində yerli peşəkarlar komandasının inkişafı məqsədilə potensial gənclərin təcrübə qazanmasında maraqlıdır. «İstedad Sizdə» İmkanlar Bizdə» proqramı ali məktəblərin istedadlı tələbə və məzunlarına öz biliklərini təcrübədə tətbiq etmək, gələcək peşə ixtisası ilə yaxından tanış olmaq və təcrübəni uğurla bitirən tələbələrə «Azerfon»da iş yeri qazanmaq imkanını verir”.

Bu proqram üçün seçim Bakı Dövlət Universiteti, Azərbaycan Dövlət Neft Akademiyası, Azərbaycan Texniki Universiteti, Azərbaycan Dövlət İqtisad Universiteti, «Qafqaz» Universiteti, «Xəzər» Universiteti kimi təhsil müəssisələrində iqtisadiyyat və tətbiqi elmlər öyrənən bakalavr və magistratura tələbələri arasında keçirilib. Proqram tərcümeyi-halların qəbulu, namizədlərin dəyərləndirilməsi və seçim mərhələlərindən ibarət olaraq, 2009-cu ilin dekabr ayından 2010-cu ilin iyun ayına qədər davam edib. İlkin müsabiqə məqsədilə 200 müraciətçi arasında test sorğusu keçirilib və onlardan 34-ü sonrakı mərhələyə keçərək müsahibə prosesində iştirak ediblər.

Seçimin yekunlarına əsasən, yay tətilləri müddətində səkkiz tələbə İnformasiya Texnologiyaları, Şəbəkə Layihələndirilməsi və İnkişafı, Şəbəkə Əməliyyatları və Müştərilərlə Əlaqələr departamentlərində təcrübə keçəcəklər. Təcrübəni uğurla bitirən tələbələrə «Azerfon» şirkətində daimi iş yerləri təklif olunacaq.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.