“Azərpoçt” MMC-nin Baş direktoru Latviya poçtunun rəhbəri ilə görüş keçirib

19-08-2021 / 12:18

Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən “Azərpoçt” MMC-nin Baş direktoru Əfqan Cəlilovla Latviya Poçtunun rəhbəri Markis Vilkans arasında görüş keçirilib.

Xeberler.az bildirir ki, görüş zamanı “Azərpoçt” MMC-də həyata keçirilən yeni layihələr, poçt-maliyyə xidmətlərinin inkişaf etdirilməsi istiqamətində görülən işlər barədə ətraflı məlumat verilib.

Həmçinin Azərbaycanla Latviya arasında poçt sahəsində əməkdaşlıq imkanları müzakirə edilib.

Markins Vilkans “Azərpoçt” MMC-də həyata keçirilən innovativ layihələrin böyük əhəmiyyət daşıdığını və qarşılıqlı təcrübə mübadiləsi aparmağa hazır olduqlarını bildirib.

Tərəflər poçt-maliyyə sahəsində əməkdaşlığı genişləndirməkdə, poçt sahəsində logistika xidmətlərinin inkişaf etdirilməsi və elektron ticarət layihələri çərçivəsində poçt mübadiləsinin artırılmasında maraqlı olduqlarını qeyd ediblər. Pandemiya dövründə də hər iki ölkə arasında poçt göndərişlərinin həyata keçirildiyi vurğulanıb.

“Azərpoçt” MMC və Latviya Poçtu rəhbərlərinin görüşündə qarşılıqlı maraq doğuran digər məsələlər də müzakirə edilib.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.