Cari il mart ayının 30-da Nəqliyyat, Rabitə və Yüksək Texnologiyalar Nazirliyi (NRYTN) və “RoboPark”-ın tərəfdaşlığı ilə Azərbaycan Robotexnika Mühəndislik Akademiyası (AREA) tərəfindən Sabis Sun Beynəlxalq Məktəbində Dron Olimpiadası keçiriləcək.
Xeberler.az bildirir ki, olimpiadada Bakı və Sumqayıt şəhərlərində fəaliyyət göstərən dövlət və özəl orta təhsil müəssisələrində təhsil alan 7-12 yaş arası 60 şagird 3 kateqoriya üzrə ən uğurlu pilot olmaq uğrunda mübarizə aparacaqlar.
Qeyd edək ki, onlar ötən ilin sentyabr ayından etibarən AREA-nın “Mən pilotam” dron tədris proqramında hazırlıqlara başlayıblar.
Şagirdlər öz gücünü “Drone Race”, “Drone Football” və “Drone Challenge” olmaqla 3 fərqli kateqoriyada sınayacaqlar. Onlar “Drone Race” kateqoriya üzrə ən sürətli pilot olmaq üçün yarışacaqlar. Şagirdlərin ən çox sevdiyi kateqoriya olan “Dron Football”-da dronlarla havada futbol oynanılacaq. Şagirdlər arasında ən böyük rəqabət “Drone Challenge” kateqoriyasında olacaq.
Hər kateqoriya üzrə ilk 3 yeri tutan iştirakçılar sertifikat və hədiyyələrlə təltif ediləcəklər.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları