Bakıda reklam festivalı keçiriləcək

18-03-2011 / 16:00

Bu gün «Crystal Butterfly-2011» II Bakı Reklam Festivalı telelayihəsinin başlanmasına həsr olunmuş mətbuat konfransı keçirilib.

Mətbuat konfransında çıxış edən festivalın təsisçisi Famil Tağıyev bildirib ki, tədbirin keçirilməsində məqsəd Azərbaycanda fəaliyyət göstərən reklam şirkətlərinin il boyu fəaliyyətinin qiymətləndirilməsi, ölkədəki reklam biznesinin dünya standartlarına uyğunlaşdırılması, reklamlarda yaradıcılığın artırılmasının stimullaşdırılması, reklam şirkətləri arasında rəqabətin daha da gücləndirilməsi, televiziya tamaşaçıları və reklam şirkətlərinin bu sahəyə marağının artırılmasıdır.

II Bakı Reklam Festivalı «Business Group» şirkəti tərəfindən layihələndirilib. Festival çərçivəsində may ayının 8, 15 və 22-də üç ön seçim, mayın 25-də isə final müsabiqələri təşkil olunacaq. Festival zamanı 2010-2011-ci illərdə hazırlanan reklam işlərinin beynəlxalq və yerli mütəxəssislərdən ibarət olan münsiflər heyəti və 9363 SMS səsverməsi ilə tamaşaçılar tərəfindən canlı televiziya verilişlərində qiymətləndirilməsi və mükafatlandırılması nəzərdə tutulur. Festival zamanı reklam şirkətlərinin iştirakı ilə sərgi, finalda isə konsert və sou-proqram təşkil olunacaq.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.