“Big Data internet-reklam probleminin həllində mühüm rol oynayır”

02-02-2016 / 15:51

İnformasiya texnologiyalarının sürətli inkişafı informasiya bolluğuna səbəb olur ki, bu da Big Data (böyük verilənlər) problemlərini aktuallaşdırır. İnternet-reklam bazarında Big Data-dan istifadə işin səmərəliliyinin yüksəldilməsi baxımından vacibdir.

Xeberler.az-ın məlumatına görə, bu barədə AMEA İnformasiya Texnologiyaları İnstitutunun Multimedia Resursları sektorunun rəhbəri Kəmalə Haşımova “Big Data-nın internet-reklam problemlərinin həllində rolu” adlı məruzə ilə çıxışı zamanı bildirib.

O, internet-reklamın növləri, saytlar və sosial şəbəkələrdə reklam, veb-səhifənin konsepsiyasının hazırlanması və həyata keçirilməsi, Big Data ilə reklamın qarşılıqlı əlaqəsi haqqında məlumat verərək internetdə yayılan reklamların müxtəlifliyi və bu sahədə Big Data-nın rolunun vacibliyindən danışıb.

Sektor müdiri veb-səhifənin effektivliyinin qiymətləndirilməsinin veb-səhifəyə müraciətlərin sayı, istifadəçi tezliyinin günlük statistikası, ziyarətçilərin sayı və digər amillərdən asılı olduğunu qeyd edib.

“Təcrübə göstərir ki, Big Data-dan istifadə internet-reklam problemlərinin həllində mühüm rol oynayır. Böyük verilənlərlə iş zamanı düzgün strategiyanın seçilməsi və innovativ texnologiyalardan istifadə zəruridir”, – deyə K.Haşımova bildirib.

Big Data-nın marketinqdə tətbiqi şirkət sahiblərinə öz müştərilərini daha yaxşı tanımaq, onların məmnunluq səviyyəsini qiymətləndirmək, internetə analoji auditoriyanı cəlb etmək və s. üçün geniş imkanlar təqdim edir.

Məltəm Talıbzadə


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.