BakuTel sərgisində elmi-praktik konfrans təşkil olunacaq

27-10-2015 / 11:24

Məlumat verdiyimiz kimi,  dekabrın 5-də 21-ci Azərbaycan Beynəlxalq Telekommunikasiya və İnformasiya Texnologiyaları sərgi və konfransı (BakuTel 2015)  keçiriləcək.

Xeberler.az-ın məlumatına görə, konfrans çərçivəsində Rabitə və Yüksək Texnologiyalar Nazirliyi, Azərbaycan Milli Elmlər Akademiyasının (AMEA) Rəyasət Heyəti və AMEA İnformasiya Texnologiyaları İnstitutunun təşkilatçılığı ilə "Big data: imkanları, multidissiplinar problemləri və perspektivləri" I Respublika elmi-praktiki konfransı keçiriləcək.
 
 Konfransın əsas istiqamətlərinə "Big Data Mining və Big Data analitika" (Big Data Mining and Big Data Analytics); "Big Data arxitekturaları" (Big Data Architectures); "Big Data-nın təhlükəsizliyi" (Big Data Security); "Big Data-nın tətbiqləri" (Big Data Applications) daxildir.  Təşkilat Komitəsi məruzələrin tərtibatına dair tələblərə də aydınlıq gətirib.
 
Belə ki, konfransa onun istiqamətlərinə uyğun, aktual elmi-praktiki problemlərə həsr olunmuş və əvvəllər çap olunmamış materiallar qəbul olunur. Məruzənin həcmi 4 səhifədən (cədvəl, şəkil və ədəbiyyat daxil olmaqla) artıq olmamalıdır.

Qeyd edək ki, Məruzə elektron şəkildə [email protected] ünvanına göndərilməlidir.
 
Məruzədə məsələnin aktuallığı, qoyuluşu və onun həlli yolları, əldə olunmuş nəticələrin elmi-praktiki əhəmiyyəti əks olunmalıdır. Məruzənin formatı IEEE standartına uyğun olmalıdır. Faylın yaradılması üçün Sample_IEEE.doc şablonundan istifadə edilməlidir. Düsturlar Microsoft Equation redaktorunda (avtomatik parametrlər ilə) yığılmalıdır. Məqaləyə məruzənin adı, xülasəsi və müəllif(lər)in soyadı ingilis dilində əlavə edilməlidir.
 
Məruzəçilər MS PowerPoint redaktorunda On-screen Show (Ekran) formatında slaydlar hazırlamalıdırlar.
 
Məruzəni konfransın işçi dillərindən (ingilis, Azərbaycan və rus) birində təqdim etmək olar.

Məltəm Talıbzadə 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.