İnternet-reklamda hansı proqramlardan istifadə edilir?

12-05-2017 / 11:10

AMEA İnformasiya Texnologiyaları İnstitutunda “İnternet-reklam marketinq məlumatlarının analizi üçün bəzi proqram təminatları” mövzusuna həsr olunmuş növbəti elmi seminarı keçirilib.

Xeberler.az-ın məlumatına görə, məruzəni təqdim edən institutun sektor müdiri Kəmalə Haşımova proqram təminatının bir çox sahələrlə yanaşı, İnternet-reklam-marketinqdə də geniş tətbiq olunduğunu bildirib.

İnternet-reklam marketinq məlumatlarının analizi üçün müxtəlif metodlardan istifadə olunduğunu söyləyən məruzəçi respondentlə şəxsi dialoq yolu ilə keçirilən sorğu barədə məlumat verib. Sorğuların keçirilməsi və planlaşdırılması mərhələsində kompüter texnologiyalarından istifadə olunduğunu diqqətə çatdırıb.

“Veb mühitdə yerləşdirilən interaktiv məhsulu ünvanlı edə bilmək üçün müxtəlif insan qruplarının maraq dairələri və təlabatı  analiz edilməlidir”, – deyə bildirən K.Haşımova bu məqsədlə potensial müştərilərin hansı sosial, intellektual və iqtisadi təbəqəyə aid olduğunun araşdırılmasının zəruriliyini vurğulayıb.

Onun sözlərinə görə, sorğuların planlaşdırılması zamanı əsasən Pulse Train şirkətinin “Visual QSL” sistemindən istifadə olunur.

Məruzəçi, həmçinin İnternet-reklam marketinqdə istifadəçi sorğularının analizi üçün proqram təminatları barədə məlumat verib. O, reklam müdaxiləsinin dəqiq metodu və proqram vasitələrinin köməyi ilə reklam kampaniyasının effektivliyinin qiymətləndirilməsi üsullarından danışıb.

K.Haşımova veb-səhifələrin qiymətləndirilməsi üçün “Search Engine Optimization” alətindən istifadə olunduğunu bildirərək bu alətin iki istiqamətdə (səhifənin optimallaşdırılması, dizaynının yaxşılaşdırılması, istifadə imkanlarının genişləndirilməsi və səhifə haqqında məlumatların digər vasitələr daxilində yayılması) təsir göstərdiyini diqqətə çatdırdı.

İnternet-reklam üçün istifadə olunan ödənişsiz proqramlardan söz açan K.Haşımova bu məqsədlə funksional baxımdan məhdudiyyətsiz olan Adware lisenziyalı proqramlardan istifadənin mümkün olduğunu bildirib. O,  qeyd edib ki, bu proqramların çatışmazlığı kimi proqram daxilində reklamların yerləşdirilməsini göstərmək olar.

Sonda məruzəçi bildirib ki, elektron ticarətin müvəffəqiyyətlə həyata keçirilməsi üçün İnternet-reklam işlərinin səmərəli təşkil olunması zəruridir.

Günel

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə