Bir telefon nömrəsini müxtəlif qurğularda istifadə etmək mümkündür

16-10-2015 / 10:41

ABŞ-da  istifadəçilər  bir telefon nömrəsindən müxtəlif telefon, planşet və digər qurğularda istifadə edə biləcəklər.

Xeberler.az xarici mətbuata istinadən məlumat verir ki, AT&T telekommunikasiya şirkətinin abunəçiləri üçün yaratdığı NumberSync adlanan yeni xidmətlə  zəngi istəyə uyğun və ya quraşdırılma funksiyalarından asılı olaraq istənilən qurğuda qəbul etmək mümkün olacaq.

Funksiyanın smartfonlarda dəstəklənməsi üçün xüsusi proqram təminatının quraşdırılması tələb olunur. AT&T qarşısına bütün istehsalçılarla birlikdə işləmək və ağıllı saatlar daxil olmaqla daha çox qurğuları dəstəkləməyi məqsəd qoyur. Xidmət üçün ayrıca ödənişin edilməsi nəzərdə tutulmur, lakin tarif bir neçə qurğuya qoşulacaq ki, nəticədə hər qurğu üçün 5-10 dollar ödəniş ediləcək.

NumberSync xidmətinin mobil rabitə şəbəkəsi vasitəsilə işləməsinə görə qurğuların bir-birinin yanında olması tələb olunmur və bu halda əsas telefon söndürülmüş vəziyyətdə də ola bilər. Bu isə texnologiyanı onun bir sıra analoqlarından fərqləndirir. Məsələn, Apple kompüter və ya planşetdə zəngləri qəbul etməyə imkan verir, lakin bütün qurğular aktiv olmalı və eyni Wi-Fin şəbəkəsinə qoşulmalıdır.

AT&T nümayəndələrinin sözlərinə görə, NumberSync avtomobillərdə telefonun Bluetooth vasitəsilə səsgücləndirici qurğuya qoşulması kimi mürəkkəb prosesi uğurla əvəz edə bilər.

Qeyd olunur ki, zaman ötdükcə insanlar harada olmalarından asılı olmayaraq əl altında olan bütün qurğulardan zənglərə cavab verə biləcəklər.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə