Bölgələrdə analoq yayım dayandırılır

01-12-2016 / 13:10

Məlumat verdiyimiz kimi, noyabrın 1-dən Bakı şəhəri və Abşeron yarımadasında analoq yayım dayandırıldı.

Qeyd edilmişdi ki, dekabrın 1-dən isə respublikanın digər ərazilərində də tam olaraq rəqəmli televiziya yayımına keçilməklə, analoq yayım dayandırılacaq.

Məsələ ilə bağlı Teleradio İstehsalat Birliyi ilə əlaqə saxladıq.

Qurumdan verilən məlumata görə, bu gündən etibarən regionlarda mərhələli şəkildə anoloq yayım dayandırılmağa başlayıb.

Belə ki, dekabrın ilk 10 günlüyündə Şamaxı, Qobustan, Siyəzən, Şabran, Xızı, Quba, Qusar və Xaçmazda analoq yayım dayandırılacaq.

İkinci mərhələdə dekabrın 10-dan Ağsu, İsmayıllı, Kürdəmir, Zərdab, Saatlı, Sabirabad, Ağcabədi, Ağdam, Ucar, Gəncə, Samux, Daşkəsən, Gədəbəy, Göygol, Şəmkir, Ağstafa, Qazax, Tovuz, Tərtər, Naftalan, Bərdə, Goranboy, Məngəçevir, Yevlax, Ağdaş, Göyçay, Qəbələ, Oğuz, Şəki, Zaqatala, Balakən və Qaxda analoq yayım dayandırılacaq.

Üçüncü mərhələdə dekabrın 20-dən Şirvan, Salyan, Neftçala, Hacıqabul, İmişli, Beyləqan, Füzuli, Cəlilabad, Biləsuvar, Lənkəran, Masallı, Yardımlı, Lerik və Astara rayonlarında analoq yayım dayandırılmaqla rəqəmsal yayıma keçid həyata keçiriləcək.

Teleradio İstehsalat Birliyindən verilən məlumata görə, bölgələrdə yaşayan əhali anloq yayıma keçidlə bağlı onları narahat məsələlərə aydınlıq gətirmək üçün 411 nömrəli Qaynar xətt-ə zəng edə bilər:

“Artıq səhər saatlarından başlayaraq Qaynar xətt xidmətinə rayonlardan çoxsaylı müraciətlər daxil olur. Qeyd etdiyimiz kimi, yalnız ilkin mərhələdəki rayonlardan yox, digər bölgələrdən müraciətlər alırıq. Onlara rəqəmli yayıma keçidlə bağlı təlimatları izah edirik, əlavə suallarınızı cavablandırırıq”.

Qeyd edilib ki, bölgələrdəki əhali dekoderləri Şamaxı, Qobustan, Siyəzən, Şabran, Xızı, Quba, Qusar və Xaçmaz poçt şöbələrindən əldə edə bilər.

Rəqəmli yayımı qəbul etmə imkanı olmayan televizorlar üçün dekoderləri (Set-Top-Box) 22 manat ödəməklə istifadə haqqında təlimatla birgə poçt şöbələrindən əldə etmək mümkündür.

Məltəm Talıbzadə

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.