Sabahdan 32 rayonda analoq yayım dayandırılır

09-12-2016 / 11:42

Məlumat verdiyimiz kimi, noyabrın 1-dən Bakı şəhəri və Abşeron yarımadasında analoq yayım dayandırıldı.

Dekabrın 1-dən isə respublikanın digər ərazilərində də tam olaraq rəqəmli televiziya yayımına keçilməklə, analoq yayımın dayandırılmasına başlanıb.

Belə ki, dekabrın ilk 10 günlüyündə Şamaxı, Qobustan, Siyəzən, Şabran, Xızı, Quba, Qusar və Xaçmazda analoq yayım dayandırıldı.

İkinci mərhələdə-sabahdan 10-dan Ağsu, İsmayıllı, Kürdəmir, Zərdab, Saatlı, Sabirabad, Ağcabədi, Ağdam, Ucar, Gəncə, Samux, Daşkəsən, Gədəbəy, Göygol, Şəmkir, Ağstafa, Qazax, Tovuz, Tərtər, Naftalan, Bərdə, Goranboy, Məngəçevir, Yevlax, Ağdaş, Göyçay, Qəbələ, Oğuz, Şəki, Zaqatala, Balakən və Qaxda analoq yayım dayandırılacaq.

Qeyd edilib ki, bölgələrdəki əhali dekoderləri poçt şöbələrindən əldə edə bilər.

Rəqəmli yayımı qəbul etmə imkanı olmayan televizorlar üçün dekoderləri (Set-Top-Box) 22 manat ödəməklə istifadə haqqında təlimatla birgə poçt şöbələrindən əldə etmək mümkündür.

Üçüncü mərhələdə dekabrın 20-dən Şirvan, Salyan, Neftçala, Hacıqabul, İmişli, Beyləqan, Füzuli, Cəlilabad, Biləsuvar, Lənkəran, Masallı, Yardımlı, Lerik və Astara rayonlarında analoq yayım dayandırılmaqla rəqəmsal yayıma keçid həyata keçiriləcək.

Teleradio İstehsalat Birliyindən verilən məlumata görə, bölgələrdə yaşayan əhali anloq yayıma keçidlə bağlı onları narahat məsələlərə aydınlıq gətirmək üçün 411 nömrəli Qaynar xətt-ə zəng edə bilər.

Məltəm Talıbzadə

 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.