TEXNOLOGİYA

2015-ci ildə dünyada daşınan elektronikanın tədarük həcmi 163,6 faiz artaraq 76,1 milyon ədəd təşkil edəcək.

Xeberler.az xarici mətbuata istinadən bildirir ki, 2019-cu ilədək bazarın həcmi 173,4 milyon qurğuya çatacaq.

Bazarda ən sürətli inkişaf edən və perspektivli kateqoriyalar kimi mütəxəssislər biləyə taxılan smart qurğuları qeyd edirlər. Artıq satışda olan qurğular siyahısına Apple Watch, Motorola Moto 360, Samsung Gear S, Pebble Time və digərləri daxildir.  

Ekspertlər xəbərdarlıq edirlər ki, istifadəçilər qurğunun hansı əməliyyat sisteminin idarəetməsi ilə işləməsinə diqqət yetirməlidirlər, çünki platformadan asılı olaraq müxtəlif smart saatlar smartfonların əməliyyat sistemlərinin müəyyən versiyaları, bəzən isə ayrı-ayrı smartfon modelləri ilə uyğun gələcək.

Mütəxəssislərin qənaətinə görə, 2015-ci ildə Apple Watch saatında istifadə olunan watchOS sistemi lider olacaq. Platformanın payı 58,3 faizə çatacaq, bu sistemli qurğuların tədarük həcmi 13,9 milyon ədədə bərabər olacaq.

İkinci yeri Android/Android Wear tutacaq. Cari ildə bu əməliyyat sistemlərindən qol smart qurğularının 17,4 faizində, 2019-cu ildə 38,4 faizində istifadə ediləcək.

Liderlər beşliyinə mütəxəssislər həmçinin Pebble OS, Tizen və RTOS universal platformasını daxil ediblər. Onların payı 2019-cu ildə müvafiq olaraq 3,1, 2,2 və 9 faizə bərabər olacaq.

Xeberler.az