Dünyanın ilk 10 TB-lıq helium diskləri satışa çıxarılır

04-12-2015 / 13:58

Western Digital Corporation (WDC) dünyanın ilk 10 TB yaddaşa malik heliumlu sərt disklərini yaxın vaxtlarda satışa təqdim edəcəyini bildirib.

Xeberler.az-ın xarici mətbuata istinadən verdiyi məlumata görə, WDC şirkəti üçüncü nəsil helium diskli 10 TB PMR-ni (perpendikulyar maqnit tipli oxuyucu) yaxın vaxtlarda satışa təqdim edəcək.

Əvvəlki nəsil sərt diskdən 2 TB daha yüksək yaddaş sahəsinə malik olan disk hər terabayta görə 56 faiz daha az enerji sərfi və 0.5 watt məhsuldarlıq kimi xüsusiyyətlərə malikdir.

Bununla da dünya səviyyəsindəki bütün sərt disklərdən daha funksional xüsusiyyətlərə malik olduğu bildirilib.

Bu sərt disklər SATA 6.0 GB/sSAS 12 GB/s dəstəkləyir. Digər funksiyalarına isə TCG ilə SATA vasitəsilə məlumatların təhlükəsiz silinməsi və şifrələnməsi kimi xüsusiyyətlər də aiddir. Bu xüsusiyyətlərlə sərt disklərində yüksək həcmli məlumatlar saxlayan və təhlükəsizliyinə diqqət yetirən şirkətlərin 10 TB-lıq helium disklərindən istifadə etməsi mümkün olacaq.

HGST Ultrastar markası ilə satışa təqdim olunacaq sərt disklərə 5 illik zəmanət veriləcək. Məhsulun qiymətini açıqlamayan WDC şirkəti satışa təqdim etmədən qısa bir müddət əvvəl rəsmi qiymətini açıqlayacaqlarını bildirib.

Ağasəf Haqverdiyev


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.