İKT sektorunda mərkəzləşmənin müəllifi kimdir?

29-01-2018 / 15:10

Son günlərdə Aztelekom və Baktelecom - Bakı Telefon Rabitəsi MMC-də (keçmiş BTRİB) nəsə ciddi dəyişikliklər baş verir.

Bakı şəhərinin telefon qovşaqlarından işçilərin kütləvi olaraq işdən azad olunduğu, kütləvi ixtisarlar aparıldığı bildirilir.

Sektordan alınan məlumatlar da bunu təsdiq edir.

Baktelecom-un rəsmi məlumatında isə deyilir ki, Bakının bütün telefon qovşaqları Baktelecom-a birləşdirilir, yeni idarəetmə modeli yaradılır.

Azərbaycan İnternet Forumunun prezidenit, Osman Gündüz məsələni Xeberler.az-a şərh edib.

Ekspert bu formada yeni idarəetmə modelini dəstəkləmir:

“Bu necə yenilənmə, yeni idarəetmədir ki, uzun illər çalışan, uzun illər formalaşan mütəxəssislər bir anda bayıra atılır. Bəzi hallarda isə işə yeni qəbul edilənlər qalır, köhnələr isdən çıxarılır. Nəyin əsasında Baktelecom ətrafında bu cür mərkəzləşmə yaradılır ? Güman ki, sabah da Aztelekom ətrfaında belə bir idarəetmə forması nəzərdə tutulub”.

Onun sözlərinə görə, uzun müddətdir ki Baktelecom-da daha bir mərkəzləşmə də kabel-kanal sistemindən istifadəyə yasaq qoyulmaqla başlanıb. Hazırda dövlətə məxsus olan bu sistemdən ancaq Baktelecom özü istifadə edə bilir, özəl provaydrelər, hətta dövlət qurumları yaxın buraxılmır:

“Bu sistemdən istifadə ilə bağlı yeni Qayldalar və yeni tariflər də qəbul edilməyib.
Ümumiyyətlə, anlamıram ki, bu mərkəzləşmə haradan çıxdı?. Görəsən, İKT sektorunda bu cür “ifrat mərkəzləşmə” xəttinin ideya müəllifi kimdir? Axı Strateji Yol Xəritəsinə görə bu qurumlar ən yaxın zamanlarda özəlləşdirməyə çıxarılmalıdır. Belə olan halda bu tələskənlik nədəndir, ifrat mərkəzləşmə nəyə xidmət edir? Ümumiyyətlə, bu yeni idarəetmə əmri Baktelecom-undur, yoxsa elə NRYTN –nin öz əmridir?”.

Ekspert hesab edir ki, NRYTN ətrafında nəhəng bir idarəetmə mərkəzi formalaşır:

“Azercell şirkətinin də NRYTN tabeliyində olan dövlət qurumu tərəfindən alındığını nəzərə alsaq, bu qurumda hansısa anlaşılmaz proselərin getdiyini düşünmək olar. Hansı ki , fikrimcə ölkə rəhbərliyi tərəfindən aparılan islahatlarla uzlaşmır. Hazırda İKT sektorunda baş verənlər ölkədə aparılan və elan olunan islahatların tam tərsidir, çünki strateji sənədlər, rəsmi çıxışlar liberallaşma olmasını, özəlləşməyə hazırlığı, Müstəqil Tənzimləmə Qurumunun yaradılmasına hazırlığı, kiçik və orta sahibkarlığa dəstəyi diqtə edir. Amma NRYTN tabeliyindəki qurumlarda bu prosesin tam əksi gedir”.

Məltəm Talıbzadə

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.