Ekspert: Təhsil və innovasiya ekosisteminin indiki vəziyyəti absurddur

14-06-2021 / 18:31
"Kompüter və İT yönümlü ixtisas üzrə ali məktəbə qəbul olunmaq istəyənlər hazırda İnformatikadan deyil, nə qədər qəribə və absurd görünsə də Kimyadan imtahana hazırlaşırlar. Baxmayaraq ki, məktəblərdə 11 il İnformatika tədris olunur.
 
Və ya Kompüter və İT istiqamətə maraq göstərən, bu sahədə az-çox bilik və bacarığı olanlar da Kimya imtahanını nəzərə alaraq tamamilə ayrı ixtisas seçmək məcburiyyətindədir".
 
Xeberler.az bildirir ki, bu sözləri Azərbaycan İnternet Formunun Prezidenti Osman Gündüz deyib.
 
Ekspertin sözlərinə görə, uzun illərdir ki, şagirdin, ailənin, müəllimin və məktəbin resursları (zaman, pul, bilik-bacarıq və s.) bilərəkdən absurd istiqamətə yönləndirilir:
 
"Hələlik ekosistemə əsas cavabdeh qurumlar olan Təhsil Nazirliyi, NRYTN və ASAN, İT ixtisas verən Universitetlər, İKT ictimaiyyəti DİM-in bu qərarının ləğvinə nail ola bilməyiblər.
 
Hərdən müşahidə edirik ki, adı çəkilən qurumlar sektorda canlanma yaratmaq üçün, regionlarda bu istiqamətdə müəyyən dirçəliş üçün, daha yaxşı mühit üçün hansısa işlər görmək istəyirlər.
 
Amma hamı bilir ki, "İnformatika yoxsa Kimya" problemi həll edilmədən İT və innovasiya sektorunda ciddi keyfiyyət dəyişiklikləri mümkün olmayacaq. Adi hesablama ilə, adi bir monitorinqlə müəyyən etmək olar ki, DİM-in bu məntiqsiz qərarı ilə uzun illər ərzində inkişafa nə qədər amansız zərbə vurulub və vurulmaqda davam edir".
 
Sadəcə bilmirəm, bütün bu mənasız dirənişlər yaınızca DİM-in bəsit məntiqindənmi ibarətdir, yaxud yalnız iki dövlət qurumu arasında olan ziddiyətlərinmi təzahürüdür, yoxsa ölkədə bu sahədə inkişafı istəməyən daha dərin mətləblərmi var?
 
Görünür ki, növbəti mərhələdə bu problemin həlli istiqamətində daha ciddi addımlar atmaq lazım gələcək".
 
 

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.