Ekspert: İTVTECH-də yayımlanan mövzular ictimai əhəmiyyət kəsb etmir

03-10-2019 / 16:53

Xeberler.az bildirir ki, İctimai Televiziya yayım siyasətini dəyişdirərək izləyicilərinə yeni formatda verilişlər təqdim edir. Belə verilişlərdən biri də texnoloji yeniliklərdən bəhs edən İTVTECH verilişidir.

Azərbaycan İnternet Formunun Prezidenti, ekspert Osman Gündüz şəxsi facebook səhifəsində İTV-in fəaliyyətindən bəhs edərək, İTVTECH verilişi haqqında fikirlərini bildirib:

"Son zamanlar İTV-də müəyyən irəliləyişlər hiss olunur. Bəzi proqramlarda mövzuların seçimində, müstəqil ekspertlərin dəvət olunmasında, plüralizm məsələlərində az da olsa canlanma müşahidə olunur. Bəzi tənqidi fikirləri çatdırmaq üçün tətbiq olunan texnologiyalar da anlaşılandır.

Bununla belə İTV-nin götürdüyü xətdə, hələlik ictimailik-plüralizm hədsiz azdır, daha çox kommersiya Televiziya xətti üstünlük təşkil edir. Müsbət dəyişiklikləri isə hələlik yalnız bir- iki proqram haqqında demək olar.

Elə proqramlar var ki, sanki ölkənin gündəmində baş verənlər, ictimai ab-hava, özəl sektorda baş verənlər bu proqramlara aid deyil. Xüsusilə də İTVTECH və Diqqət Mərkəzinin gündəlik verilişləri haqqında bunu söyləmək olar. Sosial media resursundan görmək olar ki, dünən İTVTECH-də elə mövzular müzakirə predmeti olub ki bunun, adında ictimai sözü olan televiziyaya hər hansı bir aidiyyatı yoxdur.

70 nəfərlik AZCLOUD Hackathon-un keçirilməsi üçün 70 min nəfərlik stadion icarəyə götürən bir tədbirin, internetdə yetərincə işıqlandırılan və hər hansı ictimai əhəmiyyət kəsb etməyən mövzuların İTVTECH-də yayımlanmasında məqsəd nədir anlaşılmır.

Halbuki, bu sektorda heç kimə sirr deyil ki, hazırda ictimai əhəmiyyət kəsb edən məsələ özəl provayderlərlə Nəqliyyat Rabitə və Yüksək Texnologiyalar Nazirliyi arasında olan kəskin ziddiyyətlərlə bağlıdır, internet bazarında sərbəst və azad rəqbətlə bağlıdır.

Ümumiyyətlə mən heç bir zaman bu proqramın ictimai, aktual olan problemləri gündəmə gətirdiyini müşahidə etməmişəm. Anlamıram ki, İTV rəhbərliyi bu tip proqramların setkası, mövzuları, formatı müəyyən olunanda hansı prinsipləri rəhbər tutub. Bu tip verilişlər üçün prinsiplər isə ictimai teleradio yayımı haqqında qanunvericilikdə aydın şəkildə qeyd edilib.

Ümid edirəm ki, İTV rəhbərliyi dəyişiklikləri İTV-nin bütün fəaliyyət sahəsinə tətbiq edəcək".


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.