DİN-nin hansı xidmətləri elektron formaya keçirilib ?

28-08-2019 / 15:32

DİN-nin hansı xidmətləri elektronlaşdırılıb ?
Sürücülük vəsiqəsinin verilməsi, avtomobillərin dövlət qeydiyyatı, dövlət nömrə nişanlarının verilməsi kimi ictimai əhəmiyyət kəsb edən, populyar xidmətlər elektronlaşdırıla bilərmi ?

Xeberler.az bildirir ki, bu suallara Azərbaycan İnternet Formunun Prezidenti, ekspert Osman Gündüz aydınlıq gətirib:

"Son zamanlar DİN-də ciddi kadr dəyişiklikləri aparılır. Ümid edirəm ki, yeni rəhbərlik, yeni təyin olunan kadrlar DİN sektorunda rəqəmsallaşma işlərinə də diqqəti artıracaqlar. Hazırda isə bu sektorda xidmətlərin elektron formaya çevrilməsi sahəsində görülən işləri yetərli hesab etmək olmaz.

Əlbəttə, ötən dövr ərzində bu sektorda elektronlaşdırma sahəsində müəyyən işlər görülüb, DİN-in operatoru olduğu gözəl bir sistem – İAMAS (“Giriş-çıxış və qeydiyyat") var ki, bütün digər qurumlar bu sistemdən faydalanaraq elektron xidmətlər təqdim edir. Azərbaycanın ən əfəmiyyətli və strateji informasiya resurslarından biridir. Bilirik ki, DİN bunu çox böyük əzab-əziyyətlə hazırlayıb.

Bununla belə, Dövlət Xidmətlərinin Reyestrindən aydın olur ki, DİN-nin xidmətlərinin böyük əksəriyyəti elektronlaşdırılmayıb.

DİN-in göstərdiyi 30 dövlət xidmətindən cəmi 3-4 xidmət elektron formaya keçirilib, 2 xidmət isə ASAN-a inteqrasiya olunub. Qalan bütün xidmətlər isə klassik yəni, oflayn formada təqdim olunur.

Ötən il Prezident rəqəmsal hökumətə keçidlə bağlı fərman imzalayıb, bundan sonra da eGov quruculuğu ilə bağlı , dövlət informasiya sistemlərinin inteqrasiyası ilə bağlı yeni hüquqi sənədlər qəbul edilib.

Bu baxımdan , düşünürəm ki, DİN –nin yeni rəhbərliyi xidmətlərin ictimai əhəmiyyətliyini və populyarlığını nəzərə alaraq elektron formaya keçirlməsi ilə bağlı işləri gücləndirməlidir".

Ekspert bəzi xidmətlərin tez bir zamanda tam və ya qismən də olsa elektron formaya keçirilməsnin vacibliyini vurğulayıb. Bu xidmətlər aşağıdakılardır:

1. Avtomobillərin dövlət qeydiyyatına alınması və qeydiyyatla bağlı şəhadətnamələrin verilməsi
2. Sürücülük vəsiqələrinin alınması ( nəzəri imtahanlara qeydiyyat, imtahanların keçirilməsi, SMS məlumatlandırma, cavablara baxış imkanı və s.)
3. Avtomobillərin dövlət qeydiyyat nişanında əks olunmuş rəqəmlərin və ya hərflərin kombinasiyasının sifariş verilməsi
4. Nəqliyyat vasitələrinə texniki baxışın keçirilməsi və s.

Son olaraq Osman Gündüz ümid edir ki, yaxın zamanlarda bu xidmətlər elektron formada təqdim edilməyə başlanacaq.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.