Ekspert: Milli Telekommunikasiya Şurasının yaradılmasına ehtiyac var

23-08-2019 / 14:37

Ötən gün İqtisadi İslahatların Təhlili və Kommunikasiya Mərkəzində (İİTKM) biznes mühitinin əlverişliliyinin artırılması istiqamətində növbəti tədbir keçirilib. Ümid edirəm ki, bu tip tədbirlər İKT sektoru üçün də təşkil olunacaq. Xeberler.az bildirir ki, bu sözləri İnternet Formunun Prezidenti, ekspert Osman Gündüz deyib. Ekspert bununla yanaşı bir sıra məsələlərə də aydınlıq gətirib:

"Son zamanlar Antiinhisar Dövlət Xidmətinin qərarlarından, İKT ilə əlaqəli beynəlxaq hesabatlardan, sektorda fəaliyyət göstərən biznes və ictimai qurumların da çıxışlarından aydın olur ki, telekommunikasiya və internet sektorunda biznes mühiti ilə bağlı ciddi problemlər var. Bununla bağlı bildiyim qədərilə provaydelərin əksəriyyəti ölkə rəhbərliyinə də rəsmi müraciətlər ediblər.

Strateji Yol Xəritəsində gələn il, 2020-ci ildə bu sektorda Müstəqil tənzimləyici qurumun – Milli Telekommunikasiya Şurasının yaradılması nəzərdə tutulub. Yəni Nəqliyyat Rabitə və Yüksək Texnologiyalar Nazirliyinin (NRYTN) tənzimləyici funksiyaları əlindən alınmalı və yeni yaradılacaq quruma - Milli Telekommunikasiya Şurasına (MTŞ) verilməlidir.  Hazırda sektorda bütün funksiyalar, kommersiya , tənzimləmə, idarəetmə və s. hamısı NRYTN-in əlində cəmləşib. Nazirlik də heç gizlətmədən, açıq-aşkar, öz qanuni kommersiya səlahiyyətlərindən istifadə edərək, elə özünə məxsus olan bütün tənzimləyici mexanizmlərini , sektordakı bütün dövlət resurslarını yalnız dövlət provayderləri və dövlət operatorlarının üstünlük qazanmasına yönəldib. Hazırda İT biznes sektoru bundan hədsiz əziyyət çəkir. NRYTN-nin da resursları yetərli olmadığından inkişaf ləngiyir.

MTŞ Prezident tərəfindən formalaşdırılmalı və üzvləri də Prezident tərəfindən təyin edilməlidir. Bu istiqamətdə dünyada müxtəlif modellər var. Qonşu ölkələrin də bir çoxunda artıq bu modellər tətbiq olunur. Bizdə hansı modelin tətbiq ediləcəyi, hansı səlahiyyətlər və vəzifələrin MTŞ-na veriləcəyi ilə bağlı müzakirələr aparılmır. Düşünürəm ki əgər Strateji Yol Xəritəsinnin bu bəndi həyata keçiriləcəksə ləngimədən bu istiqamətdə beynəlxalq ekspertlərin də iştirakı ilə müzakirələrin aparılması çox faydalı olar".


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə