Azərbaycan İnternet Forumu Azərbaycan Respublikası Prezidentinə Müraciət etdi

22-05-2009 / 15:04

Müraciətdə Rabitə və İnformasiya  Texnologiyaları Nazirliyinin ləğv  edilməsi  və onun əsasında beynəlxalq təcrübəyə müvafiq olaraq  İKT sektorunda dövlət idarəetməsi və tənzimləmə funksiyalarını  həyata keçirən qurumların yaradılması və bu istiqamətdə qanunvericiliyin təkmilləşdirilməsi ilə  bağlı Təkliflər öz əksini tapıb.

Müraciətdə ölkəmizin   mövcud potensialının İKT  sektorunda daha ciddi  uğurlar əldə etməyə imkan verəcəyi qeyd edilib. Son dövrlərdə ölkədə İKT sektorunda  müəyyən irəliləyişlər  əldə edilsə də  daha ciddi uğurların qarşısını alan əsas səbəb kimi, RİTN-nin hədsiz səlahiyyətlərə malik olması qeyd edilib. RİTN-nin ölkənin İKT sektorunda eyni anda 3  funksiyanı – dövlət idarəetməsi, tənzimləmə və kommersiya funksiyalarını icra etməsinin ciddi problemlər yaratdığı  vurğulanıb.  Belə ki, son dövrlərdə ölkənin İKT sektorunda sərbəst və azad rəqabətin çətinliklə formalaşdığı, operatorlar arasında münasibətlərin gərginləşdiyi, İKT sektorunda əldə olunan gəlirin böyük hissəsini formalaşdıran özəl sektorun dövlət qurumları tərəfindən haqsız  rəqabətlə üzləşdiyi bildirilib.

Müraciətdə ölkədə İKT üzrə xidmətlərin bahalığı və keyfiyyətinin yetərli olmamasının, RİTN-nin idarəetməsində və nəzarətində olan iri kommersiya  layihələrinin effektivsizliyinin, nömrə resurslarının, tezliklərin və domen  adlarının qeydiyyatı və bölüşdürülməsindəki ciddi problemlərin də əslində qüsurlu tənzimləmə siyasəti ilə  bağlı olduğu  vurğulanıb.

Müraciətdə  beynəlxalq təcrübəyə əsaslanaraq İKT sektorunda müstəqil dövlət  tənzimləyici qurumun- Milli Telekommunikasiya Şurasının  yaradılmasının daha  ciddi uğurlara əsas olacağı qeyd edilib. Tənzimləyici qurumun üzvlərinin Prezident  tərəfindən irəli  sürülməsi və Milli Məclis tərəfindən təsdiq edilməsinin, kommersiya ilə məşğul olmamasının, müstəqil olmasının  vacibliyi qeyd edilib.

Müraciətdə İKT sektorunda tənzimləmə ilə  bağlı bütün funksiyaların (lisenziyaların verilməsi, tezliklərin ayrılması, nömrə resursunun bölüşdürülməsi, telekommunikasiya bazarında sağlam rəqabətin təmin edilməsi, operatorların öz aralarında və onların istifadəçilərlə münasibətlərin tənzimlənməsi və s) yaradılması təklif olunan quruma verilməsi nəzərdə tutulub.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.