İKT sektrounun, rəqəmsal sahibkarlığın və innovasiyaların inkişafına kömək ola biləcək hansı qanunlar, qərarlar və qaydalar bu il də qəbul edilməyərək gələn ilə saxlanıldı ?
Xeberler.az bildirir ki, bu barədə Azərbaycan İnternet Formunun Prezidenti Osman Gündüz məlumat verib:
"Ötən günlərdə 2020-ci ildə İKT və innovasiyalar sahəsində baş verən yaddaqalan hadisələrə münasibət bildirmişdim. Sektorun inkişafında hüquqi baza mühüm rol oynadığından onlar haqqında ayrıca yazmaq doğru olardı.
Bu il də, sahə ilə əlaqəli bir sıra hüquqi-normativ aktlar var ki, onların qəbulu ilə bağlı konkret vaxt müəyyən olunsa da indiyədək də qəbul edilməyib:
1. Rəqabət Məcəlləsi - 15 ildir ki, maraqlı tərəflər bunun qəbuluna imkan vermir
2. Vençur maliyyələşmə və vençur fondlar haqqında Qanun
3. İnnovasiyaların inkişafı haqqında Strategiya
4. İnformasiya Təhlükəsizliyi və Kibertəhlükəszilik haqqında Strategiya
5. Ödəniş xidmətləri və ödəniş sistemləri haqqında Qanun
6. Kriptovalyuta ticarətinin nizamlanması haqqında Qanun
7. Elektron ticarətin ƏDV-dən azad edilməsi haqqında qərar
8. E-ticarət haqqında qanunun yenilənməsi (2005-də qəbul edilib)
9. Şəxsiyyət vəsiqələrində e-imzanın aktiv edilməsi haqqında qərar
10. Dronların qeydiyyatı və istifadəsi Qaydaları
11. Dövlətə məxsus yeraltı və yerüstü rabitə resurslarından istifadə Qaydaları
12. Startap meyarlarının müəyyən edilməsi haqqında qərar
13. İKT sektorunda müstəqil tənzimləyici qurum olan Milli Telekommunikasiya Şurasının yaradılması haqqında qərar
14. Distant təhsilin təşkili Qaydaları və s.
