Ekspert:"Qanunsuz müdaxilə" ilə bağlı ətraflı məlumat verilməyib

08-07-2022 / 20:58
Xəbər verdiyimiz kimi MİDA mənzillərinin sonuncu onlayn satış nəticələri ləğv edildi.
Xeberler.az bildirir ki, bununla bağlı Azərbaycan İnternet Forumunun Prezidenti, ekspert Osman Gündüz öz "Facebook"səhifəsində paylaşım edib.
"MİDA və DTX-nın birgə müraciətindən görünür ki, "Güzəştli mənzil" sisteminə qanunsuz müdaxilə olunub.
DTX-nın bu istiqamətdə fəaliyyəti təqdirə layiqdir.
MİDA-nın onlayn satış ilə bağlı, prosesi təkmilləşdirməklə bağlı, sonuncu baş verənlərlə bağlı çox yazmışıq və təkliflər vermişik.
Bununla belə, bəzi məqamlara bir daha diqqət yönəltmək istərdim.
Söhbət açıqlamada qeyd olunan , cinayət məsuliyyətini yaradan hallardan gedir.
Açıqlamada cinayət məsuliyyəti yaradan "qanunsuz müdaxilə" ilə bağlı ətraflı məlumat verilməyib.
Əlbəttə, baş verənlərdə, bərabər seçim imkanlarının pozulması, dövlət qurumunun fəaliyyətinə maneələr və s. müzakirə predmeti deyil.
Bununla belə, əgər "qanunsuz müdaxilə" yalnız seçim prosesini sadəcə sürətləndirən botlardan( xüsusi kompüter proqram təminatları) istifadə ilə bağlıdırsa, əgər sistemin kodlarına müdaxilə yoxdursa, hansısa kiber hücum olmayıbsa, həm ölkə qanunvericiliyinə, həm də beynəlxalq normalara görə burada hər hansı cinayət tərkibi yoxdur.
Əgər adı çəkilən saxlanılanlar seçimi sürətləndirmək üçün botlarla bərabər, sistemə və onun kodlarına hər hansı müdaxilə ediblərsə, kodları sındırıblarsa, məsələn, sistemə qarşı dDos hücum da təşkil ediblərsə onda bu, əlbəttə cinayət məsuliyyəti yaradır.
O ki qaldı MİDA -nın növbəti mənzil satışının daha ədalətli və effektiv qurulması məsələsinə, bununla bağlı quruma əvvəllər də xeyli təkliflər təqdim etmişik.
Ümid edirəm nəzərə alacaqlar".

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.