Elektron kitabxanalarla bağlı problemlər müzakirə edilib

18-03-2016 / 11:28

AMEA İnformasiya Texnologiyaları İnstitutunun Elektron Kitabxana Mərkəzində növbəti elmi seminar keçirilib.

AMEA-dan Xeberler.az-a verilən məlumata görə, mərkəzin rəhbəri Mədinə Səidova gündəlikdə duran məsələləri diqqətə çatdıraraq tədbirin “E-kitabxanaların formalaşması problemləri” respublika elmi-praktiki konfransına mərkəzin əməkdaşları tərəfindən təqdim olunacaq məqalələrin ilkin müzakirəsinə həsr olunduğunu bildirib.

Mərkəzin əməkdaşı Nərmin Adıgözəlova çıxış edərək e-kitabxanalar, onların yaranması və formalaşması problemləri, e-kitabxanalarda informasiya mədəniyyəti, internetdən asılılıq, bibliomaniya haqqında ətraflı məlumat verib.

 O, informasiya tələbatını müəyyənləşdirmək bacarığı, müxtəlif mənbələrdən informasiyanın axtarılıb tapılması, əsas və ikinci dərəcəli məlumatların seçilməsi, toplanmış informasiyanın strukturlaşdırılması və sistemləşdirilməsi, informasiyanın məxfiliyinin qorunması, onun tamlığı və əlyetərliyinin təmin olunması, hüquqi və etik normalara əməl edilməsinin e-kitabxanalarda informasiya mədəniyyətinin tərkibinə daxil olduğunu bildirərək informasiya mədəniyyəti kriteriyalarından bəhs edib.

Sonra mərkəzin əməkdaşı Nərgiz İsmayılova fiziki və əqli məhdudiyyətli istifadəçilər üçün intellektual e-kitabxanaların fomalaşması problemlərindən söz açıb.

 Əlilliyi olan şəxslərin dünya və Azərbaycan üzrə statistikası, onlar üçün hazırlanmış texnologiyalar barədə məlumat verdi. Məhdud imkanlı şəxslərin e-kitabxanalardan istifadəsini təmin etmək üçün mətnin nitqə və nitqin mətnə çevrilməsi, mətnlərin vizuallaşdırılması sistemlərinin yaradılmasının zəruriliyini vurğulayıb.

Daha sonra çıxış edən mərkəzin əməkdaşı Sevinc Mərdanova e-kitabxana sistemlərində mətnlərin avtomatik təsnifatlaşdırılması üçün təklif olunan metod və alqoritmlər, onun tətbiq sahələri haqqında məlumat verib.

 Müəlliflərin təyin olunması, e-kitabxana və bibliometrik bazalarda resursların avtomatik kateqoriyalaşması, cinayət faktlarının aşkarlanması və s. məqsədilə tətbiq edilən üsulların üstünlükləri və çatışmazlıqlarından danışıb.

Xeberler.az

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.