KaiOS əməliyyat sistemi WhatsApp-ı dəstəkləyir

25-07-2019 / 10:27

Xeberler.az bildirir ki, Düyməli telefonlar üçün nəzərdə tutulan "KaiOS" əməliyyat sistemi "WhatsApp" proqramını dəstəkləməyə başlayıb.

"WhatsApp" əlavəsi bu rübdən etibarən bir sıra modellərə əvvəlcədən quraşdırılacaq, digər qurğu istifadəçiləri isə proqram təminatını sistemin əlavələr mağazasından yükləyə bilərlər. Lakin bu, yalnız yaddaş tutumu 256 meqabayt təşkil edən mobil telefonlara şamil edilir. "KaiOS" sistemi üçün "WhatsApp" digər sistemlərdə olduğu kimi, mətnli bildirişlər mübadiləsini, zəngləri, eləcə də məlumatların şifrlənməsini dəstəkləyir.

Qeyd edək ki, bir neçə il əvvəl Hindistanda bir sıra modellər üçün istifadəyə verilən "KaiOS" sistemi üçün "WhatsApp" messencerindən hazırda bütün arzu edənlər istifadə edə bilərlər. "KaiOS" düyməli mobil telefonlar üçün populyarlığına görə "Android" və "iOS" sistemlərindən sonra üçüncü əməliyyat sistemi hesab olunur.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.