Google -da Azərbaycan alimlərinin əsərlərinə istinadların SAYI

23-03-2023 / 22:43

Fizika, Riyaziyyat və Texnika Elmləri Bölməsi üzrə AMEA üzvlərinin bəzi elmmetrik göstəriciləri məlum olub.

AMEA-nın Fizika, Riyaziyyat və Texnika Elmləri Bölməsindən Xeberler.az-a bildiriblər ki, həmçinin dəqiq elmlər üzrə Azərbaycan alimlərinin "Google Scholar"da bəzi elmmetrik göstəriciləri açıqlanıb.

Müasir dövrdə dünya elmində hər hansı bir tədqiqatın dəyəri və əhəmiyyəti onun istinad və Hirş indeksinin səviyyəsi əsasında müəyyən edilir. Bu səbəbdən beynəlxalq aləmdə elmi əsərlərə olunan istinadlara və yüksək indeksli jurnallarda çap olunmuş məqalələrə günü-gündən daha çox diqqət göstərilir, alimlərin müxtəlif parametrlər üzrə elmi reytinqinin tərtib edilməsinə, onların fəaliyyətinin obyektiv qiymətləndirilməsinə önəm verilir.

Azərbaycanda da son dövrlərdə müvafiq sahədə qəbul edilmiş fərman və sərəncamlardan irəli gələn vəzifələrin icrası istiqamətində ölkə elmində kompleks islahatların aparılmasına başlanılıb, elmi qurumların qarşısına dünyada gedən proseslərə adekvat olaraq, elm və təhsilin idarəolunmasına yeni hüquqi baxış kontekstində elmi fəaliyyətin səmərəsinin daha da artırılması ilə bağlı ciddi vəzifələr qoyulub.

Azərbaycan Milli Elmlər Akademiyası müvafiq sahədə dünya təcrübəsini, ölkəmizdə elm sahəsində aparılan islahatları, eyni zamanda milli maraqları nəzərə alaraq bu istiqamətdə məqsədyönlü işlər aparır. Elmi müəssisə və təşkilatlarda elmi tədqiqatların əhəmiyyətinin artırılması, kəmiyyət və keyfiyyət göstəricilərinin daha da yaxşılaşdırılması, eləcə də alimlər arasında sağlam rəqabət mühitinin yaradılması ilə bağlı tədbirlər görür. AMEA rəhbərliyinin təşəbbüsü və göstərişi ilə Elm Günü ərəfəsində Fizika, Riyaziyyat və Texnika Elmləri Bölməsi (FRTEB) üzrə AMEA-nın üzvlərinin bəzi elmmetrik göstəricilərini əks etdirən reytinq cədvəllərinin hazırlanması da bu qəbildəndir.

Cədvəllərdə FRTEB üzrə AMEA-nın üzvlərinin “Google Scholar”da Hirş indeksləri və həmin alimlərin əsərlərinə “Google Scholar”da istinadların sayı təqdim olunub. Reytinq siyahısında Akademiyanın 36 üzvünün adı yer alıb.

Tam siyahı ilə aşağıdakı cədvəldən tanış olmaq mümkündür: https://ict.az/az/news/6658/, https://ict.az/az/news/6657/.


ŞƏRHLƏR


OXŞAR XƏBƏRLƏR







sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə