İnformasiya Texnologiyaları İnstitutunda Elmi Şuranın iclası keçirilib

20-04-2012 / 18:58

Tədbiri giriş sözü ilə açan AMEA-nın müxbir üzvü, AMEA İTİ-nin direktoru, professor Rasim Əliquliyev gündəlikdə duran məsələlər haqqında məlumat verdi. Alim İTİ-də son zamanlar həyata keçirilmiş işlərin təqdimatına həsr olunmuş tədbirin nəticələri barədə söhbət açdı, onu əldə olunmuş nailiyyətlərin kompleks təqdimatı kimi dəyərləndirdi. Cəmiyyətin elmə olan tələbatının artdığı dövrdə belə bir tədbirin keçirilməsinin əhəmiyyətindən və tarixi rolundan danışan institut direktoru onun ictimaiyyət tərəfindən də yüksək qiymətləndirildiyini nəzərə çatdırdı.

Sonra institutun elmi katibi Mədinə Səidova və İTİ-nin doktorantı Rəhilə Həsənova tapşırılmış işlərin icra vəziyyəti haqqında məruzələrlə çıxış etdilər. İnstitutun struktur bölmələrinin iş planlarının təqdimi, PCI 2012 “Kibernetika və informatika problemləri” IV beynəlxalq konfransına hazırlıq, dissertanturaya qəbul, attestasiyanın nəticələri və s. haqqında məlumat verildi.

İTİ-nin baş mühəndisi, texnika üzrə fəlsəfə doktoru Rəşid Ələkbərov 31 may 2012-ci il tarixdə keçiriləcək I “AzScienceNet” Ümumrespublika elmi-praktiki seminarı və nəzərdə tutulan məruzələr haqqında məlumat verdi.

İnstitutun şöbə müdiri, iqtisad elmləri üzrə fəlsəfə doktoru Əlövsət Əliyev “İqtisadiyyat, informasiya və müasir fəlsəfi baxış: mövcud vəziyyət, problemlər və həll yolları” mövzusunda AMEA İTİ, İqtisadiyyat İnstitutu, Fəlsəfə, Sosiologiya və Hüquq İnstitutunun birgə seminarın keçirilməsi haqqında məruzə ilə çıxış etdi. Növbəti seminarın cari ayın son həftəsində keçirilməsinin planlaşdırıldığını qeyd etdi.

İTİ-nin şöbə müdiri Gülnarə Nəbibəyova www.transliterasiya.az, www.hieb.science.gov.az, www.azsciencenet.az saytlarının istismara verilməsi haqqında danışdı, görülən işlər, qarşıda duran vəzifələr barədə məlumat verdi.

Texnika üzrə fəlsəfə doktoru Zərifə Cəbrayılova və institutun baş elmi işçisi Rasim Mahmudov “İnformasiya Texnologiyaları Problemləri” və “İnformasiya Cəmiyyəti Problemləri” jurnalları ilə bağlı hesabat verdilər. İnstitut əməkdaşlarının bu jurnallarda fəal iştirakı və elmi məqalələrin hazırlanması məsələsinin vacibliyindən danışıldı.

Tədbirdə həmçinin AMEA-nın illik ümumi yığıncağının materiallarının hazırlanması, “Ali məktəb tələbələri arasında İnformatika üzrə ümumrespublika olimpiadası”na hazırlıq işləri, elmi seminarların keçirilməsi, kadr hazırlığı, İKT üzrə kitab və dərsliklərin nəşri və digər məsələlər müzakirə olundu, təklif və tövsiyyələr bildirildi.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.