İNNOVASİYA VƏ STARTAP

Hazırda portfelimizdəki xaricdə fəaliyyət göstərən startapların Azərbaycanda 30-40 nəfərlik komandaları var. Bu, həm yerli mütəxəssislərin beynəlxalq təcrübə qazanmasına, həm də yerli ekosistemin inkişafına kömək edir. Eləcə də süni intellekt tərkibli xeyli sayda startaplara yatırım eləmişik.

Xeberler.az bildirir ki, bu barədə Azərtac-a müsahibəsində “Caucasus Ventures”in rəhbəri və qanuni təmsilçisi Məmməd Kərim deyib.

“Başlanğıcda planımız yalnız regiondakı təsisçilərə yatırım etmək idi. Amma sonradan gördük ki, çoxlu istedadlı regionmənşəli, lakin beynəlxalq bazarlarda fəaliyyət göstərən təsisçilər var. Məsələn, biz hazırda Londonda fəaliyyət göstərən tacikistanlı bir startapa yatırım etmişik, hansı ki, maliyyə texnologiyaları sahəsində 40 milyon dollarlıq kapital cəlb edib. Eyni zamanda, Lüksemburqda fəaliyyət göstərən azərbaycanlı təsisçilər də var ki, onlar kimyəvi və kosmetik maddələr üzərində işləyirlər.

Digər tərəfdən, belə startapların çoxu Bakıda “back-office” açır. (“Back-office” - bir şirkətin müştərilərlə birbaşa təmasda olmayan, lakin daxili əməliyyatlarını, maliyyə, idarəetmə və texniki proseslərini təmin edən bölməsidir – red.). Digər müxtəlif təhsil sahəsində süni intellekt tətbiq edən bir qazaxıstanlı startap var. Bundan başqa, azərbaycanlı startaplardan biz Amerikada yerləşən və kompozit material sahəsində iş aparan bir startapa yatırım eləmişik. İngiltərədə elektron maşınlar üçün elektromobillər üçün şarj aparatına xüsusi kabel və avadanlıqlar xidməti üzrə ixtisaslaşmış azərbaycanlı bir startap var, ona dəstək olmuşuq. Sinqapurda bir azərbaycanlı startap var, o daha çox gəmiçilik və gəmilərə Giriş Sistemi (SAS) üzrə çalışan startapa yatırım etmişik, hazırda layihə böyümək üzrədir. Hazırda startapın illik 1 milyona yaxın dövriyyəsi var. Startaplarımızın sayı getdikcə artır. Bundan başqa, Azərbaycanda yerləşən startap sayı, haradasa təxminən 9 dənə startapımızın əsas ofisi Bakıda yerləşir. Bu startaplar Bakıdan böyüməyə çalışırlar. Böyüdükdən sonra bu startaplar burada dayanmırlar, Özbəkistan, Qazaxıstan, İndoneziya, müxtəlif daha böyük bazarlara çıxmaq istəyən startaplarımız var”, - deyə Məmməd Kərim qeyd edib.