Elm və Təhsil Nazirliyinin İnformasiya Texnologiyaları İnstitutunda keçirilən növbəti elmi seminarda “Müasir elektron kitabxanalarda yaşıl və rəqəmsal transformasiyalar” mövzusunda məruzə dinlənilib.
Xeberler.az bildirir ki, mövzu üzrə çıxış edən Elmi informasiya və elmmetriya şöbəsinin əməkdaşı Dilbər Əlizadə yaşıl texnologiyaların elektron kitabxanalara tətbiqi, yaşıl elektron kitabxananın formalaşdırılması, bunun üçün dayanıqlı platformanın yaradılması haqqında məlumat verib.
Məruzəçi qeyd edib ki, yaşıl və rəqəmsal transformasiyalar elektron kitabxanalarda davamlılığı artırır, elektron kitabxanaya girişi və istifadəçilər arasında əlaqələri yaxşılaşdırır. D.Əlizadə yaşıl elektron kitabxana üçün dayanıqlı platformanın yaradılmasının vacibliyini qeyd edərək, bunun üçün yaşıl sertifikatlı bulud xidmətləri, enerjiyə qənaət edən hostinq provayderləri, inteqrasiya edilmiş kitabxana və kontent idarə sistemləri, eləcə də rəqəmsal saxlama proqramından istifadənin zəruri olduğunu diqqətə çatdırıb.
Daha sonra o bildirib ki, yaşıl rəqəmsal kitabxananın qurulması bir neçə mərhələni əhatə edir və bu addımları prioritetləşdirməklə ətraf mühitin sağlamlığının qorunmasına töhfə verə biləcək rəqəmsal kitabxana yaratmaq mümkündür.
Sonda məruzə ətrafında fikir mübadiləsi aparılıb, suallar cavablandırıb.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları