Nuşirəvan Məhərrəmli “Azadlıq” radiosu haqda nə dedi?

03-12-2010 / 20:00

“Şou proqramlar artıq bəlaya çevrilib. Bu yalnız Azərbaycanda yox, bütün dünya ölkələrində belədir. Şou xarakterli verilişlərin həddindən artıq baş alıb getməsi, bizi məcbur etdi ki, “Mədəniyyət” kanalı yaradaq. Ümid edirik ki, bu kanal öz üzərində düşən işi görəcək. Bizim əsas məqsədimiz dövlətin yardımı ilə bu sahəyə xüsusi diqqət ayırmaqdır”.  Bu sözlər xeberler.az-a eksklüziv müsahibəsində Milli Televiziya və Radio Şurasının (MTRŞ) sədri Nuşirəvan Məhərrəmli deyib.

O, Mədəniyyət Televiziyasının AZTV-yə verilməsi haqda da danışıb: “Rəqabət mühiti yalnız özəl qurumlar üçün xarakterikdir. Amma dövlət özü istədiyi qədər kanal aça bilər, dünya ölkələrində də bu belədir. Türkiyədə TRT-nin, Rusiyada RTR-in nə qədər kanalı var, burada heç bir problem yoxdur. Amma özəl qurumlara 2-dnə artıq proqram vermək təbii ki, rəqabət mühitinin pozulması olardı. Məhərrəmli həmçinin deyib ki, sahə xarakterli kanallar böyük ölkələr üçün xarakterikdir: “Tematik kanallar kiçik ölkələr üçün o qədər effekt vermir. Amma Azərbaycanda həm idmanla bağlı, həm mədəniyyətlə bağlı dövlətin xüsusi siyasət yeritdiyini nəzərə alaraq biz belə bir işə getmişik. Hesab edirəm ki, bu doğru bir addımdır”.

MTRŞ sədri həmçinin Azadlıq radiosunun Azərbaycanda yayımının bərpası haqda da danışıb: “Biz Azərbaycanın teleradio məkanında milli qanunvericiliyə uyğun olaraq hərəkət edirik. Azərbaycanda olan telekanallar, radiostansiyalar milli yayımçılar üçündür. Xarici radiostansiyaların Azərbaycanda yayımı yalnız kabel televiziyasıyla və internetlə mümkündür. Azadlıq radiosu da istisna deyil”.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.