Nyu-Yorkda “Apple” brendli qurğuların oğurlanması ən geniş yayılmış cinayətdir

21-11-2013 / 22:49
Nyu-York şəhərində “Apple” brendli qurğuların oğurlanması ən geniş yayılmış cinayətlər siyahısındadır. Bu barədə şəhər polis idarəsindən məlumat verilib. İdarə nümayəndələrinin sözlərinə görə, ötən il şəhərdə törədilən cinayətlərin 14 faizi bu qurğuların oğurlanması ilə əlaqədar olub. 2012-ci ildə Nyu-Yorkda ümumilikdə 16 min “iPhone” smartfonu və digər “Apple” qurğuları oğurlanıb. Polislərin sözlərinə görə, şəhərdə “Apple” qurğularının oğurlanması ilə məşğul olan çoxlu cinayətkar qruplaşmalar fəaliyyət göstərir. Buna səbəb oğurlanmış “iPhone” modellərini asanlıqla sataraq böyük məbləğdə pul əldə etməyin mümkün olmasıdır. Polis və yerli siyasi xadimlər lombardları aldıqları bütün telefonları hüquq-mühafizə orqanları əməkdaşlarının istifadə edə biləcəyi xüsusi elektron bazaya daxil etməyi təklif edirlər. Həmçinin “Apple” və digər smartfon istehsalçılarının oğurlanmış qurğuları bağlamağa məcbur etmək imkanları müzakirə olunur. Mobil telefon oğurluğunun küçə cinayətlərinin yarısını təşkil etdiyi San-Fransiskoda bu problemlə mübarizə üçün başqa üsul hazırlanıb. Belə ki, mülki geyimli polislər şəhər sakinlərinə yaxınlaşaraq “iPhone” almağı təklif etməklə onlara bunun oğurluq məhsul olması barədə xəbərdarlıq edirlər. Bundan sonra həmin şəxs telefonu almaq istədiyi zaman dərhal həbs olunur. Polislər ümid edirlər ki, bu üsulla insanlar mağazalardan kənarda telefon almaqdan ehtiyat edəcək və bunun sayəsində cinayətkarlar onları satmaq imkanından məhrum olacaq. (ictnews.az)

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.