E - HÖKUMƏT

Əmlak Məsələləri Dövlət Komitəsi tərəfindən ötən ilin avqust ayında istifadəyə verilən Özəlləşdirmə portalından bu günə qədər1 milyondan artıq baxış olub.

Bu barədə Xeberler.az-a Komitədən məlumat verilib.

Qeyd edilib ki, təkcə bu il ərzində isə portala 665 minə yaxın ziyarətçi daxil olub.

Statistik göstəricilərdən maraqlı məqam ondan ibarətdir ki, portalın gün və ay ərzində istifadəçi sayı çoxluq təşkil edir. Belə ki, portala bir ayda 86 minə yaxın, gün ərzində isə 3 mindən çox investor və vətəndaş baxışı olub. Bildirilməlidir ki, portala daxil olanların 67,8%-i mobil telefonla, 32,2%- i isə kompüter vasitəsilə ziyarət edib.

Məlumata görə, ölkə vətəndaşları ilə yanaşı Türkiyə, Rusiya, ABŞ, Almaniya, Gürcüstan, Polşadan portalı izləyənlərin sayı kifayət qədərdir.

Onu da bildirək ki, belə hərraclar təkcə paytaxtla kifayətlənmir. Respublikanın müxtəlif şəhər və rayonlarında da müxtəlif növ dövlət əmlakları özəlləşdirilir. Qeyd etmək lazımdır ki, prosesin gedişatını onlayn izləmək olur. Özəlləşdirilən əmlaklar biznes və gəlir  məqsədləri üçün istifadə edilir.

Hərraclar barədə ictimai məlumatlandırma Özəlləşdirmə portalı ilə bərabər, həm komitənin rəsmi saytı, həm də komitənin facebook sosial şəbəkəsindəki rəsmi səhifəsi və privatization.az səhifəsi vasitəsilə aparılır.

Günel