Plastik kart ölçüsündə superkompüter təqdim edilib

12-11-2015 / 12:35

NVIDIA-nın prezidenti Cen-San Xuan bildirib ki, hazırda süni intellekt və maşıntəlimi sahəsi üzrə tədqiqatlar şirkətdə çalışan mühəndislərin diqqət mərkəzindədir.

Xeberler.az-ın xarici mətbuata istinadən məlumatına görə, şirkət tərəfindən hazırlanmış süni intellektin hesablanması üçün Jetson TX1 adlı kiçikölçülü superkompüter təqdim edilib.

Ölçüsü 50x87 mm olan yeni kompüter plastik kredit kartını xatırladır. Jetson TX1 superkompüteri 1 teraflops məhsuldarlığa malik 256 nüvəli Maxwell GPU və 64 bitlik ARM A57 prosessorları, Wi-Fi modulları, həmçinin 4 Gb əməli yaddaş və 16 Gb daxili yaddaşla təchiz edilib.

2016-cı ilin birinci rübündə satışa çıxarılacaq qurğunun qiyməti 299 ABŞ dolları təşkil edəcək.

Cen-San Xuan hesab edir ki, şirkətdə hazırlanan yeni avadanlıq, həmçinin proqram təminatı maşın təliminin təcrübədə tətbiqini xeyli sadələşdirə və sürətləndirə biləcək.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə