Rabitə vasitələrinin satışı və istifadəsi ilə bağlı yenilik

31-10-2015 / 12:53

Rabitə və Yüksək Texnologiyalar Nazirliyinin Məlumat Hesablama Mərkəzi (MHM) rabitə vasitələrinin satışı və istifadəsi zamanı tətbiq olunacaq informasiya sistemini hazırlayıb.

Xeberler.az bildirir ki, informasiya sisteminin hazırlanması Nazirlər Kabinetinin “Rabitə müəssisələri (operatorlar) tərəfindən rabitə vasitələrinin satışı və istifadəsi zamanı  tələb olunan şərtlərin təsdiq edilməsi haqqında” qərara etdiyi dəyişikliklərlə bağlı olub.

Sabit operatorların istifadəsinə veriləcək informasiya sistemi yeni telefon çəkilişi zamanı ərizəçinin məlumatlarının sistemə düzgün işlənilməsini tam təmin edəcək. Bununla bağlı olaraq, sistem vasitəsilə istər vətəndaşlar, istərsə də hüquqi və fiziki şəxslər üçün telefon çəkilişi prosesi bütünlüklə elektronlaşdırılıb. Belə ki, ilkin olaraq sistemə işlənəcək abunəçi məlumatları İAMAS məlumat sistemi üzrə avtomatik formalaşdırılacaq, həmçinin, əl ilə qeyd olunması nəzərdə tutulmuş digər məlumatların tam məzmunlu işlənilməsi üçün də şərait yaradılıb. Sistem vasitəsilə abunəçi müqaviləsindən tutmuş, aktivləşdiriləcək servislərə qədər bütün detallar tam elektronlaşdırılıb.  Xidmət “Elektron hökumət” portalı üzərindən həyata keçiriləcək.

Qeyd edək ki, MHM-də sözügedən informasiya sisteminin  sabit operatorların istismarına verilməsi ilə bağlı toplantı keçirilib və prosesin ssenarisi üzrə hazırlanmış prezentasiya toplantı iştirakçılarına nümayiş etdirilib. Toplantıda TransEvroKom MMC, Catel MMC, Ultel MMC və Azərtelekom MMC-nin nümayəndələri iştirak ediblər.

 

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.