İKT REGİON

Gəncədə qaçqın və məcburi köçkünlər üçün inşa olunmuş  Qaçqın şəhərciyində   2 min 48 tutumlu yeni ATS quraşdırılıb. Hazırda şəhərcikdə 500-ə yaxın nömrə aktiv istifadə olunur.

Bu barədə Xeberler.az-a Aztelekom İB-nin  Gəncə Telekommunikasiya İdarəsinin baş mühəndisi  Etibar Nəbiyev məlumat verib.

 Etibar Nəbiyev bildirib ki, ümumilikdə 57 saylı əsas  ATS   Gəncənin  11  bölgəsini  şəhərlərarası və beynəlxalq telefon danışıqları ilə təmin edir.

İdarə rəisi Qovşağın qarşılaşdığı problemlərdən də danışıb.

Öyrənirik ki, İdarədə ayırıca İT şöbəsi fəaliyyət göstərir. Qurumun ümumilikdə  500-ə yaxın işçisi var. Etibar Nəbiyev deyir ki, Qovşağın texniki işlərini əsasən gənclər həyata keçirir. Amma şöbə rəisi qurumun İT mütəxəssislərindən narazıdır.

O, Xeberler.az-a bildirib ki, rayonlarda işləyən İT mütəxəssislərə diqqət ayrılmır. İT mütəxəssislər  bu sahə ilə bağlı biliklərini, təcrübələrini  artıra bilmir:

“İşçilərimizi təcrübəyə göndərə bilmirik. Məlumdur ki, rayonlarda İKT sahəsində inkişaf  Bakı ilə müqayisədə  zəifdir.  Mən özüm də əvvəllər  kursa getmişəm. Müxtəlif təlimlərdə iştirak etmişəm. Bu təcrübələr fəaliyyətimə müsbət təsir edib. 10-15 ildir ki, bu vərdiş aradan götürülüb. İşçilər biliklərini inkişaf etdirmir, gənclər çox  vaxt üzərlərində işləmirlər. Buna görə də bu sahədə savadlı, təcrübəli mütəxəssis tapmaq çətindir. Əslində onlar rabitəçi deyil. Amma İKT təlimləri  təşkil etməklə onların  bu sahəyə həvəsini artırmaq olar”.

Etibar Nəbiyev təklif edib ki, rayonlarda çalışan İT gənclərin Bakıda  təcrübəli İT mütəxəssislərlə, ekspertlərlə  görüşləri, təlimləri təşkil olunsun. 

Xeberler.az