Rəqəmsal İnkişaf Nazirliyinin rəqəmsallaşma konsepsiyası razılaşma prosesindədir

13-02-2022 / 19:13

Rəqəmsal İnkişaf və Nəqliyyat Nazirliyi innovativ cəmiyyətə gedən yolda əsas amil olan rəqəmsal transformasiya konsepsiyasını hazırlayıb.

Xeberler.az bildirir ki, bu barədə Azərbaycanın rəqəmsal inkişaf və nəqliyyat nazirinin müavini Rövşən Rüstəmov bildirib.

R.Rüstəmovun sözlərinə görə, müasir innovasiya məkanının yaradılması hökumətin fəaliyyətinin prioritet istiqamətlərindən biridir və bu, “Azərbaycan 2030: Sosial-iqtisadi inkişafın milli prioritetləri” proqramında öz əksini tapıb.

“Rəqəmsal transformasiyaya nə daxildir? Birincisi, rəqəmsal texnologiyalar vasitəsilə daha yaxşı xidmətlər və daha yaxşı idarəetmə təmin edən rəqəmsal hökumət, ikincisi, prosesləri avtomatlaşdırmağa, rəqəmsal məhsullar yaratmağa və daha dəqiq proqnozlar verməyə imkan verən rəqəmsal iqtisadiyyat və nəhayət, üçüncüsü, insanların rəqəmsal bacarıqlara malik olduğu, sahibkarların açıq məlumatlara çıxış əldə etdiyi və açıq məlumatlara əsaslanan innovasiyalar vasitəsilə dəyər yaradılan rəqəmsal cəmiyyətə gedən yol”, - R.Rüstəmov söyləyib.

Nazir müavini hesab edir ki, bu, kifayət qədər uzun, çoxmərhələli prosesdir və bunun üçün rəqəmsal transformasiya konsepsiyası, müasir İT infrastrukturu və ixtisaslı kadrlar lazımdır. Həmçinin rəqəmsal infrastrukturun kibertəhlükəsizliyinin təmin edilməsi və bütün bu proseslərin idarə olunması, əlaqələndirilməsi və tənzimlənməsi tələb olunur.

“Nazirlik bütövlükdə cəmiyyətin rəqəmsallaşmasını nəzərdə tutan bu proses üçün optimal konsepsiya hazırlayıb: vətəndaşların rəqəmsal bacarıq və vərdişlərinin təkmilləşdirilməsi, biznesin rəqəmsallaşmasının təşviqi, İKT sahəsində tənzimləmə mexanizmlərinin kompleks şəkildə inkişaf etdirilməsi. Konsepsiya müxtəlif dövlət strukturları ilə razılaşdırılma mərhələsindədir”, - R.Rüstəmov qeyd edib.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.