TƏDBİRLƏR

Birləşmiş Millətlər Təşkilatının Uşaq Hüquqları Konvensiyası çərçivəsində dünya ölkələri uşaqların hüquqlarının müdafiəsinə dair öhdəlik götürərək hər dörd ildən bir Uşaq Hüquqları Komitəsinə hesabat təqdim edir. Bu beynəlxalq sənədlə yanaşı, Avropa Şurası və digər regional təşkilatlar da uşaq hüquqları ilə bağlı standartlar və direktivlər müəyyənləşdirir.

Xeberler.az məlumat verir ki, bu sözləri BMT-nin Qadınlara Qarşı Ayrı-seçkiliyin Ləğv edilməsi üzrə Komitəsinin (CEDAW) üzvü Elgün Səfərov aprelin 15-də Bakıda keçirilən Qara Dəniz Yayım Tənzimləyici Qurumlarının Forumunun 11-ci Toplantısında çıxışı zamanı səsləndirib.

O qeyd edib ki, Azərbaycanda da bu istiqamətdə mühüm addımlar atılır. Ötən ay ölkədə rəqəmsallaşma ilə bağlı yeni konsepsiya qəbul edilib. Bu strategiya uşaq hüquqlarının qorunması ilə bağlı rəqəmsal təhlükələrə qarşı tədbirləri nəzərdə tutur. Dövlət qurumları, xüsusilə Ailə, Qadın və Uşaq Problemləri üzrə Dövlət Komitəsi ilə Audiovizual Şura arasında bu sahədə sıx əməkdaşlıq mövcuddur.

“Süni intellekt vasitəsilə yayılan şantaj və zorakılıq elementləri xüsusilə narahatedici hal kimi qeyd olunur. Qadın mütəxəssislərin bu proseslərdə fəal iştirakı və media ilə aparılan birgə fəaliyyət bu risklərin qarşısının alınmasında mühüm rol oynayır”, - deyə E.Səftərov əlavə edib.