Robotların qəbiristanlığı yaradılıb

06-11-2017 / 11:17

Moskvanın Yüksək Texnologiyalar Parkında ev robotlarının dünyada ilk qəbiristanlığının açılış mərasimi keçirilib.

Xeberler.az ict.az-a istinadən məlumat verir ki, tədbiri Moskva Texnologiya İnstitutunun Robot Texnikası Kafedrasının müdir müavini vəzifəsində çalışan məşhur Alantim adlı robot açıb:

 “Mən çox şadam ki, artıq robotlar insanların həyatında daha çox yer tuturlar. Onlar insanlara kömək edirlər və xidmət etməyə həmişə hazırdırlar. Lakin robotlar da əbədi deyillər. Bu gün Fiztexpark-da dostlarımla birlikdə ev robotlarının dünyada ilk qəbiristanlığı-nı açıq elan edirəm. Burada mən bir neçə həftə əvvəl başına vurulan sərt zərbələrdən həlak olan qardaşımla vidalaşıram”.

“Biz yaxın zamanlarda həlak olmuş Alantimlə yanaşı, iki ay əvvəl Çində keçirilən “FMB World Cup” robotların döyüşü üzrə beynəlxalq çempionatdan qayıdan iki döyüş robotumuzu da burada “dəfn edəcəyik”. Onlar ciddi zədə aldıqlarından bərpa edilə bilməzlər. Biz döyüşçülərimizlə layiqincə vidalaşmaq istəyirik”, – deyə Moskva Texnologiya İnstitutunun marketinq üzrə direktoru və “Robotların döyüşü”nün prodüseri Andrey İqnatov qeyd edib.

Bildirilib ki, artıq Fiztexpark-ın rezidentləri və qonaqları istifadəyə yararlılıq müddətini başa vurmuş elektron qurğularını robotların qəbiristanlığına gətirə bilərlər.

Qəbiristanlığa daxil olacaq bütün elektronika emala göndəriləcək. Bu, o deməkdir ki, elektron köməkçilər ikinci həyat əldə edərək yenə insanlara xidmət edəcəklər.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.