Yaponiyanın Softbank Corp şirkəti insan emosiyalarını anlayan Pepper robotlarının hamısını bir dəqiqəyə satıb.
Xeberler.az RYTN-nin rəsmi saytına istinadən məlumat verir ki, şirkət hazırda əlavə sifarişlər qəbul etməyə hazır olmadığını açıqlayıb.
214 min yen (1,7 min dollar) qiymətinə olan insanabənzər robotlar üçün onlayn sifarişlərə şirkət yerli vaxtla 10:00-da başlayıb. Satışa çıxarılan qurğuların ilk partiyası 1000 ədəd təşkil edib.
İstehsalçı nümayəndələrinin sözlərinə görə, robot çoxlu kamera və ötürücülərlə təchiz edilib. Bu, ona insan emosiyalarının bütün spektrini - sevinc, kədər, qorxu, həyəcan, əsəb hisslərini müəyyən etməyə imkan verir. Vəziyyətdən asılı olaraq Pepper zarafata cavab olaraq gülə və ya sahibini sakitləşdirə bilər.
“Robot şərait və insanın üz ifadəsindən asılı olaraq müxtəlif vəziyyətə düşməyə qadirdir. O, insanı ruhlandıra, özünü fəal apara, bəzən isə tənhalıq hiss edə bilər”, - Softbank prezidenti Son Masayesi deyib.
Son vaxtlar robotlar Yaponiyanın istehsal və xidmətlər sahəsinə aktiv tətbiq edilir. İyunun 17-də hökumət robotların daha perspektivli sənaye müəssisələrində və xidmətlər sahəsində tətbiqinə yardıma dair proqram qəbul edib. Bunda məqsəd robotların modernləşdirilməsinin sürətləndirilməsi və işçi qüvvəsinin çatışmazlığı və qocalması şəraitində əmək məhsuldarlığının artırılmasıdır.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri