SÜNİ İNTELLEKT VƏ DATA

Genişmiqyaslı açıq mənbə şifrli texnologiyaları və məhsulları cümə günündən bazar gününə kimi Şanxayda keçirilən 2025 Qlobal Tərtibatçılar Konfransında əsas yer tutub.

Xeberler.az məlumat verir ki, süni intellekt sahəsində 100-dən çox Çinə məxsus və xarici aparıcı şirkət özlərinin ən son texnologiyalarını və həllərini nümayiş etdirmək üçün tədbirə toplaşıb, həmçinin konfrans dünyanın müxtəlif ölkələrindən tərtibatçıları, alimləri və investorları cəlb edib.

Konfransda Çinin “Unitree Robotics” şirkəti tərəfindən hazırlanmış insanabənzər robot it-robotu gəzdirərək həvəsli tamaşaçı kütləsinin böyük marağına səbəb olub.

Konfransda Çinin sənaye və informasiya texnologiyaları nazirinin müavini Syun Çinçzyun deyib: “Genişspektrli tərtibatçıların dəstəyi ilə süni intellekt sürətlə inkişaf edir, xüsusən də açıq mənbə şifrli texnologiyalar və iri modellərin məhsulları üzrə son nailiyyətlər Çinin süni intellekt sənayesinin inkişafı üçün yeni imkanlar və məkan yaradıb”.

O qeyd edib ki, Çinin süni intellekt sənayesi xüsusilə açıq mənbə şifri prinsiplərinin geniş şəkildə mənimsənilməsi sayəsində inkişaf edir. Ölkə hazırda bu sahədə tərtibatçıların sayına görə dünyada ikinci yerdədir.

Sənaye araşdırma və konsaltinq institutu “iResearch”ə görə, Çinin süni intellekt sənayesinin 2028-ci ilə qədər 811 milyard yuan (təxminən 111,8 milyard ABŞ dolları) səviyyəsinə çatacağı gözlənilir, süni intellekt və robot texnikası kimi inkişaf etməkdə olan sənayelər əhəmiyyətli bazar potensialı və inkişaf imkanları açacaq.

Şanxay Süni İntellekt Sənayesi Assosiasiyasının (SAIA) baş katibi Çjun Çjunhao deyib: “Elm və texnologiyanın sürətli tərəqqisini nəzərə alaraq, konfrans bu ildən başlayaraq ildə iki dəfə keçiriləcək, növbəti konfrans isə payızda baş tutacaq”.

Qeyd edək ki, tədbir əvvəllər Ümumdünya Süni İntellekt Konfransı adlanırdı. Şanxay AI Sənaye Assosiasiyası onu 2018-ci ildən keçirir və keçən il 35 mindən çox oflayn nümayəndə və daha 32 milyon onlayn iştirakçı cəlb edib. Bu cür populyarlıq təşkilatçıları nəinki adı dəyişməyə, həm də ildə iki dəfə keçiriləcək konfransın tezliyini artırmağa məcbur etdi. ABŞ-ın yüksək texnologiya sektorunun bazar kapitallaşmasını darmadağın edən Çinin süni intellekt üzrə startapı “DeepSeek”in parlaq uğuru Şanxayda əsas müzakirə mövzusuna çevrilib. Konfrans iştirakçıları əmindirlər ki, sənayenin gələcəyi açıq mənbə şifrli proqram təminatı və sərbəst məlumat mübadiləsidir.