Sənaye həlləri mövzusunda beynəlxalq konfrans keçiriləcək

19-08-2015 / 10:10

Azərbaycanda avqustun 27-29-da COİA-2015 (International Conference on Control and optimization with Industrial Application)   idarəetmə və optimallaşma üzrə sənaye həlləri mövzusunda 5-ci beynəlxalq konfrans keçiriləcək.

Xeberler.az-ın məlumatına görə, tədbirin təşkilatçıları qismində Azərbaycan Rabitə və Yüksək Texnologiyalar Nazirliyi, Azərbaycanın Müəllif Hüquqları Agentliyi, ABŞ-ın İllinois Universiteti və perspektiv tədqiqatlar mərkəzi, Azərbaycan Milli Elmlər Akademiyası, Bakı Dövlət Universiteti  çıxış edirlər.

Konfrans Azərbaycan rabitə və yüksək texnologiyalar naziri Əli Abbasovun sədrliyi ilə keçiriləcək. Tədbirin açılış mərasimində Ukraynadan, ABŞ-dan, Rusiyadan olan alimlər çıxış edəcəklər.

Konfransda “Çoxagentli şəbəkə sistemlərinin qarşıda duran elementlərlə əlaqəsi”, “Ləngiyən kommutasiya sistemləri üçün optimal idarəetmə həlləri”, “Kombinasiya optimallaşdırması məsələlərinin həlli və onların verilənlərin sıxlaşdırılması üçün tətbiqi”, “Aralıq ötürücü stansiyalı magistral xətlərdə keçid proseslərinin tədqiqi”, “Kompüter şəbəkələrinin istifadəsi”, “İnternet dükanda gəlirin maksimallaşdırılması üzrə qeyri-dəqiq model” və s. mövzularda yerli və xarici alimlərin məruzələri iştirakçılara təqdim ediləcək.

Qeyd edək ki, sözügedən konfrans 2005-ci ildən etibarən keçirilir.  Növbəti konfransın 2017-ci il iyunun 27-29-da Nyu-Yorkda, ABŞ-ın İoanna Universitetində keçirilməsi nəzərdə tutulub.

Xeberler.az

 

 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.