Şifrəni dəyiş!

06-05-2022 / 21:17

Kaspersky şəbəkə təhlükəsizliyi haqqında sənədli və səsli podkastının ikinci mövsümünü təqdim edib. “Şifrəni dəyiş!” podkastında şirkətin ekspertləri – Sergey Qolovanov, Aleksandr Qostev və Aleksey Andreyev - kibercinayətkarlıq araşdırmaları haqqında hekayələri ilə bölüşür və rəqəmsal dünyaya yeni təhlükələri anlamağa kömək edirlər.

Xeberler.az məlumat verir ki, ikinci sezonun ilk buraxılışı son iki ayda kiberməkanda baş verən hadisələrə həsr olunub. Mütəxəssislər psixoloji hücumları və saxta xəbərləri müzakirə edir, hərbi əsirlərin axtarışını vəd edən fişinq e-poçtları və zəngləri ilə nə etmək lazım olduğunu söyləyir və rusiyalı istifadəçilərin şəxsi məlumatlarının xarici xidmətlərə sızması ilə bağlı xəbərdarlıq edirlər. Podkast sayəsində dinləyicilər yoxlanılmamış VPN xidmətlərinin hansı təhlükələr yaratdığını və mənbə şifrələrinin həqiqətən Kaspersky-dən oğurlanıb-oğurlanmadığını öyrənəcəklər.

Mövsümün növbəti buraxılışlarında mütəxəssislər aşağıdakı mövzuları müzakirə edəcəklər:

– 2022-ci ilin əvvəlindən kibertəhlükələrin landşaftı necə dəyişib;

– Qərb informasiya texnologiyaları (İT) təchizatçıları getdikdən sonra şirkətlər müdafiəsiz qalacaqmı;

– informasiya təhlükəsizliyi sahəsində kadr çatışmazlığını necə doldurmalı və niyə bütün İT mütəxəssisləri ölkəni tərk etmirlər;

– texnologiya özünüzü və uşaqlarınızı uyğun olmayan məzmundan qorumağa necə kömək edir;

– süni intellekt hakerlərlə mübarizəyə kömək edəcəkmi.

"Şifrəni dəyiş!" podkastı internetdən istifadə edən, texnologiyanı sevən və informasiya təhlükəsizliyi ilə bağlı hekayələrdə fırıldaqçıların qurbanına çevrilərək “məşhur olmaq” istəməyən hər kəs üçün maraqlı olacaq.

 

"Şifrəni dəyiş!" podkastına Apple Podcasts, Yandex Music, CastBox və ya podkastları dinlədiyiniz istənilən digər platformada yazıla bilərsiniz.

 

Fikir və təkliflərinizi [email protected] elektron poçt ünvanına göndərə bilərsiniz.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.