Telefonda videonu necə redaktə etmək olar?

13-11-2015 / 11:00

Smartfonların video və şəkil çəkmək funksiyası  günü-gündən daha keyfiyyətli olur. Bu isə rəqəmsal fotoaparatlara olan marağı azaldır. 

Smartfon kameralarının istifadəçiyə təqdim etdiyi ən böyük üstünlüklərdən biri çəkdiyiniz şəkil və video üzərində qısa zamanda düzəlişlər etmə imkanıdır.

Xeberler.az olaraq mobil telefonlarda asanlıqla istifadə edəcəyiniz video redaktə mobil tətbiqlərini təqdim edirik.

VivaVideo: Free Video Editor

VivaVideo Android və iOS əməliyyat sistemli ağıllı telefonlarda tez-tez istifadə olunan video redaktə proqramlarından biridir. Sistem video kəsmə və birləşdirmə imkanına malikdir. Həmçinin, mobil tətbiqdə istifadəsi asan olan video redaktə vasitələri yer alır. Bu mobil tətbiqin köməyi ilə videoları mətn, FX, emosiya, musiqi, effekt və canlı dublajlarla zənginləşdirə bilərsiniz.

 

VideoShow: Video Editor &Maker

VideoShow Android və iOS əməliyyat sistemli cihazlarda video redaktə təcrübəsi qazanmaq istəyənlər üçün yaradılmış proqramdır. Çox az əməliyyat yerinə yetirməklə şəkil və videolarınızdan ibarət videolar düzəldə bilərsiniz.  Mobil tətbiq tamamilə ödənişsizdir. Videolarınızın daha yaxşı olması üçün mətn və effektlərdən istifadə edə bilərsiniz.

 

WeVideo Video Editor

WeVideo Video Editor ilə mükəmməl filmlər, foto hekayələr və slayd materiallar hazırlayıb sosial şəbəkələrdə paylaşa bilərsiniz. Bu mobil tətbiqin köməyi ilə video kəsmək, bir layihəyə çox sayda video, şəkil əlavə etmək, müsiqidən istifadə etmək mümkündür. Həmçinin, proqramın daxilində olan hazır mövzu və səs effektləri maraqlı videolar hazırlamağınıza kömək edəcək. Mobil tətbiq həm Android, həm də iOS istifadəçiləri üçün ödənişsizdir.

 

iMovie

Video redaktə proqramları arasında ən asan istifadə edə biləcəyiniz mobil tətbiqdir. Bu proqramın köməyi ilə videoları çəkdiyiniz xronoloji ardıcıllıqla sıralaya, effekt verə və kadrları daha asan tapa biləcəksiniz. iMovie mobil tətbiqi iOS əməliyyət sistemində daha məşhurdur.

 

 

Magisto Video Editor & Maker

Magisto Video Editor & Maker ağıllı telefonunuzda şəkil və video redaktə etmə, seçdiyiniz musiqiləri istifadə etmə, qrafik və effektlər əlavə edərək daha yaxşı video hazırlamaq imkanı yaradır.  AndroidiOS əməliyyat sistemli telefonlar üçün proqram ödənişsizdir. Əlavə özəlliklərdən istifadə etmək istəsəniz ödənişli versiyanı yükləyə bilərsiniz.

 

 Sevinc Əsədova


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.